樂●活｜珍饈百味迎好年

 下星期二（2月1日）就係大年初一，今年沒有年三十，感覺上少了時間準備農曆新年的所需。如果到呢一刻仲未準備團年飯、開年飯等嘅賀年菜式，不妨參考以下介紹。

粵菜相信係唔少人嘅首選，香港萬麗海景酒店滿福樓就有八道菜嘅「風生水起，盆滿缽滿」套餐，更有鴻圖大展（高湯燉肘子竹笙菜膽）、 盆滿缽滿盆菜（二十五頭花膠、原隻鮑魚、原粒瑤柱甫、海蔘）及紅豆沙湯圓等菜餚供堂食及外賣享用 。初一至初七（2月1日至2月7日期間）更有清新鮮美且盡顯師傅刀工的鮑魚撈起 ，把切至絲絲分明、富有吉祥象徵嘅紅蘿蔔絲、青瓜絲、葱絲、芝麻再配以鮑魚愈撈愈起。

至於萬麗咖啡室嘅新春自助餐就亦有有唔少意頭菜，好似象徵家肥屋潤嘅烤乳豬、風生水起撈起沙律、橫財就手烤豬手、紅燒海蔘、鮑魚及冬菇、笑口常開黃金蝦球等，更有一系列吉祥賀年甜點，如年糕、桂花糕、楊枝甘露蛋等。

香港喜來登酒店天寶閣就準備9款寓意富足豐收的古法功夫菜，實行以嶄新嘅手法將傳統粵菜重新演繹，當中包括招財進寶（鮑魚干貝八寶鴨）、包羅萬有（海味山珍聚寶盆）、橫財就手（醬燒金元蹄）、年年有餘（古法花尾龍躉斑翅）、發財好市（金瑤髮菜蠔豉大脷）、一團和氣（南乳竹笙上素粗齋煲）、哈哈哈笑（三蝦鮑汁扣柚皮）、財源廣進（櫻花蝦雞油豆苗）及豐衣足食（鮑魚飄香荷葉飯）。

另外更準備了新春團年套餐，包括貴妃生汁芝麻蝦、髮菜蠔皇扣南非鮑魚、清蒸東星斑、富貴脆皮燒雞、花膠雪蓮子響螺燉雞湯及傳統蓮蓉焗西米布甸等。

如果想特別啲以新派亞洲菜作為賀年菜的話，可以試試香港維港凱悅尚萃酒店內的Cruise空中餐廳及酒吧嘅FEED THE TIGER、FEED ME及I KNOW THE CAPTAIN菜單，唔單止可以喺現場食到，更可以選擇外賣自取，甚至在外送（按此），一嚐糅合東南亞及北亞料理嘅新派亞洲菜。於1月31日至2月2日於惠顧指定分享菜單更可獲贈一份雙人「賀年撈起」，外賣自取可享8折。 

另外，The Farmhouse咖啡廳亦於 1 月31 日至 2 月3 日自助餐時段供應加入開運菜，包括新春賀年撈起、步步高升年糕蘿蔔糕、甜甜蜜蜜芝麻湯圓、橫財就手特製豬手、年年有餘蒸石斑魚、喜氣洋洋炭烤紐西蘭羊肉，以及紅燒鮑魚、海參、花菇、魚肚等，提提大家，年初一、二，更設兩輪自助餐時間（第一輪早上11時30分至下午1時30分、第二輪下午2時至4時），ｊ至於自助晚餐就會於晚上6時至9時提供房內自助餐及外賣自助晚餐。

另外，KKday亦精選咗外賣自取賀年食品，方便大家喺屋企都可以與家人好友享用美食，包括六國酒店嘅Le Menu 葡式燒乳豬、九龍香格里拉香宮賀年風生水起鮑魚撈起、港島香格里拉外賣新春主題下午茶 、黑木亭居酒屋A5宮崎和牛盆菜、中環潮廳百寶團圓爐 、 港麗酒店金葉庭新春喜慶外攜聚寶盤 、店小二小二盆菜 及、香港會議展覽中心賀年蛋糕組合（招財貓蛋糕、招財進寶蛋糕）。

 

作者：Laurie Wu（愛保健愛旅遊愛購物的熟女）
[email protected]