樂●活｜換新年必備好物

好多時晚餐都唔想食飯，都會選擇食米綫，所以特別留意有啲乜新口味、新搞作！如果你都係米綫賣，最近去買外賣嘅時候都可以留意下譚仔同譚仔三哥分別聯承漫畫家推出特色揮春、利是封，食米綫嘅同時仲可以換埋新年必備嘅兩大好物！

譚仔雲南米線就邀請咗漫畫家Maggie Market (馬仔市集)以譚仔最受歡迎嘅配料食材設計出一套四款嘅揮春，包括「風笙水起」(竹笙)、「青春常駐」(墨魚春卷)、「身嬌肉貴」(腩肉)，和「人人彈起」(墨丸)，即日起凡購買任何外賣自取 (不包括第三方外賣平台) ，即可免費獲贈一套四款的「譚仔雲南米線 X Maggie Market」揮春。

最近譚仔曾推出咗紫菜珍．鮮三寶泡椒酸菜魚湯米線，以珍寶仿蟹柳、鮮甜帶子肉、彈牙魚片頭配上泡椒酸菜魚湯帶嚟激鮮滋味。其中嘅泡椒酸菜魚湯湯底選用泡椒、指天椒和青剁椒熬製，3種辣椒分別帶出不同的辣味，讓刺激感在口腔蔓延，配上口感爽脆同時味道清甜的酸菜，更將湯底昇華至另一個層次。此外，蒜椒雞腳筋亦都回歸，更有2款全新特飲：忌廉溝豆乳和凍奶蓋熱情果青瓜特飲，味蕾一定充滿驚喜。

至於譚仔三哥米線就再度聯乘本地插畫師大大與小妹推出虎年限定利是封，今日起（1月19日），凡惠顧任何米線即可免費獲贈虎年限定嘅「人人有米　發財好線」利是封，可愛嘅小妹陶醉在三哥米線嘅香麻辛辣美味之中，象徵人人有米、衣食無憂，而倚靠着巨型辣椒的大大不但被金元寶圍繞着，更手捧着巨型金元寶，寓意新一年財源滾滾、金玉滿堂！而細膽熊亦有上陣，貫徹其細膽本色，可愛地藏在新年福袋之中，應節之餘不失趣緻。為迎合虎年，大大與小妹更特意為利是封加入全新的老虎角色。身穿大紅新年服飾的老虎頭頂著大吉、被金銅錢及金元寶圍繞着，隨着炮仗聲響徹燈籠之上，加上「人人有米　發財好線」的燙金賀語。另外，更推出應節可愛的 Sticker，方便大家透過WhatsApp和 Signal傳遞新年祝願。

作者：Laurie Wu（愛保健愛旅遊愛購物的熟女）

[email protected]