樂●活｜童心聖誕遊

趁住今日可以免費搭港鐵、巴士同電車，可以乘機多去幾個地方打卡兼欣賞唔同聖誕布置！

荃灣海濱嘅維港癲噹開心村除咗有癲噹美人魚和癲噹小巴，本地文創「貓室」更為咗聖誕節添上新裝，除了原有的卡通裝置，仲添加多個充滿聖誕氣氛的節日角色裝扮，由可愛嘅癲噹帶領小襪兔、阿讚貓等一眾好友打造維港癲噹聖誕遊樂園實行與大家一同歡度聖誕！ 

去到荃灣海濱，大家會見到會說話和唱歌、兩層樓高嘅5米巨型癲噹聖誕樹，而呢棵聖誕樹仲係以單車人力發電，想看到亮起燈飾的癲噹，就要奮力踏單車，將快樂化成力量。另外，灣仔海濱HarbourChill都放咗4米高嘅癲噹聖誕樹，癲噹嘅面部表情還會因應動畫而轉變，並高歌應節的「蒸糕包，蒸糕包！」每個表情都趣怪可愛！

 荃灣海濱嘅癲噹仲化身為4.2米高嘅巨型雪人癲噹，仲帶埋小襪兔一齊為香港人打打氣！另外，癲噹美人魚鎮仲搵咗深潛太平洋幾千年嘅姨媽，邀請咗美人魚姨媽上岸歡度聖誕，化身成滑梯讓小朋友走到她的背上玩滑梯，與小朋友打成一片！記得留意埋周邊嘅桌椅裝飾都換成聖誕禮物的造型，大家可以帶私伙癲噹公仔或手辦模型到場拍照，記錄與癲噹共度的聖誕節！溫馨提示！聖誕裝嘅癲噹會至到12月底，1月初就會換上農曆新年癲噹裝置，記得把握時間去打卡！

講開癲噹，一定要同大家分享一個會四圍走嘅打卡裝置！九巴獨家廣告代理Asiaray由即日起至1月13日舉行陪您區區過聖誕，仲聯乘5位本地知名插畫師合作，包括癲噹、Felix Ip、Vivian Ho、Zoie Lam及塵阿力，為大會發光巴士（巴士光年）及5個廣告客戶設計巴士和巴士站廣告將濃濃節日氣氛遍及各區，同時推廣本地原創藝術。陪您區區過聖誕仲將AR元素注入巴士站及巴士車廂廣告，只要利用手機掃描指定巴士站廣告或椅背廣告上的二維碼，便能欣賞聖誕限定癲噹動畫。只要集齊指定嘅巴士及巴士站廣告相片上載至官方遊戲頁面，或在12月25日聖誕節零時零分拍下九巴巴士站的電子顯示屏所播放聖誕祝福片段並上載至巴士光年Facebook專頁，即有機會贏取限量巴士光年x癲噹x PAPERY限量聖誕版口罩套，以及緊貼巴士光年Facebook專頁，參加帖文遊戲，更有機會獲得巴士光年x癲噹限量聖誕版1:76巴士模型。

除咗香港代表癲噹和朋友們呆，仲可以去埋海趣坊、新屯門商場、恒福商場、駿景廣場及Citylink搵來自韓國嘅LYCHEE & FRIENDS探下LYCHEE（荔枝熊）、COCO（可可貓）、哥基小狗JOBI（祖比狗） 、OPPA（歐巴）、刺蝟TOM（湯博士）、ZUZU（外星兔）和BOMB（總裁兔）兼同佢哋打卡合照，更有Lychee-Mart 文件夾、 Croissant 兩用環保袋、松井2合1電火鍋連不黏煎盤等限量精品等緊大家換購，只需要在各商場內以電子消費滿指定金額，就可以獲得 LYCHEE & FRIENDS 精品或限量精美聖誕禮物。

陪住唔少人成長嘅Tom & Jerry同Tweety會喺LCX上演聖誕美食追逐戰，仲化身成2米高的巨型Tom & Jerry漢堡包！由貓鼠冤家Tom & Jerry經營嘅美式快餐店除咗充滿聖誕氣氛，仲會有經典嘅追逐場景，Jerry為躲避Tom嘅追逐，會變身成不同嘅百厭造型，甚至藏身在Tom口中嘅漢堡包裡！聖誕節又點可以沒有聖誕樹和禮物！Tom & Jerry更偷偷藏在大型禮物盒中跳出嚟同大家擺甫士合照。至於Tweety就會藏身喺大型雪糕甜筒裡，可口又可愛，靜待各位同居合照。合照，七彩繽紛的Tweety甜筒定必為聖誕加多一點點甜蜜！Tom & Jerry同Tweety仲開咗間Pop-up Store，帶嚟唔少趣怪表情同造型嘅公仔等大家帶回家！Pop-up Store落地玻璃窗還貼有佢哋和朋友嘅巨型寫真，記得要打卡留念呀！

作者：Laurie Wu（愛保健愛旅遊愛購物的熟女）
[email protected]