樂●活｜聖誕藝術之旅

又到周末，一於繼續介紹聖誕好去處，今日不如來一趟藝術之旅！

整理了唔同嘅聖誕主題活動，發現今年有唔少商場都以藝術為旋律嘅裝置。

好似K11 Art Mall就結合葡萄牙夢幻色彩藝術家Maria Imaginário亞洲首個個人大型藝術展覽，透過藝術喚醒大家的童心及好奇心。地庫2樓的chi K11藝術空間搖身一變成3,000方呎聖誕夢幻糖果色彩國度，Maria發揮她對色彩、空間運用的獨特觸覺，四大繽紛展區包括9層幻彩隧道THE PATH OF PLAYFULNESS、8米笑臉彩虹牆SPINNING BITTER SWEET、期間限定店IN SEARCH OF HAPPINESS現場設自動棉花糖機，為大家即製造型棉花糖兼放大版奇幻充氣藝術裝置EMBRACE A BETTER US互動。

除咗展覽以外，K11 Art Mall除展覽外，第二站來到K11 Art Mall地下中庭的The Glenlivet Bothy期間限定威士忌體驗館，大家可於佳節品嚐蘇格蘭單一麥芽威士忌，更能體驗酒匠工藝之餘，更能藉此重新發掘品牌近200年的傳統，體會不斷革新的潛藏基因。同場更有周末市集 ，內有超過50個創意單位，大家可入手K11 Art Mall獨家限量藝術聖誕禮物。

旺角T.O.P This is Our Place就找回紐約設計界新寵兒Wade and Leta合辦T.O.P x Wade and Leta．From New York to Hong Kong，將紐約市標誌性的城市風貌及五光十色的都市魅力，幻化成獨一無二的大型藝術裝置帶到T.O.P。兩名藝術家運用AR擴增實景技術遊走多個場景，如置身天台的視覺衝擊遊樂園以及近4米高幻象聖誕空中吊飾，另有3米闊的紐約地標浮雕牆，帶來破格刺激的視覺撞擊。

荃灣廣場就邀得阿根廷當代藝術家Javier Gonzalez Burgos塑造「怪誕森林奇遇記」主題聖誕裝置，帶大家進入怪誕森林擔當故事主角。怪誕森林奇遇記內有7大打卡位，當中最搶眼的必然是長達20米的怪誕劇場，由聖誕鹿帶領大家體驗大合唱演奏、木偶劇、坐上聖誕鹿車感受與別不同的怪誕氣氛、5米高巨型怪誕老人、數不盡的可愛小動物，大家可以感受怪誕森林嘅獨特魅力，記住預留多啲時間，入夜後仲可以拍到充滿浪漫氣氛嘅聖誕夢幻燈海。

為咗將歐洲嘅浪漫雪景帶到香港，荃灣千色匯及元朗千色匯就邀請咗俄羅斯著名紙雕藝術家Marina Adamova展開其香港首展聖誕「紙」想遊世界！Marina嘅作品曾於世界各地巡迴展出，今次香港首展除咗以城市為創作主題外，更首次為商場打造充滿北歐雪國情懷嘅夢幻星光拱門等3大唯美雪景打卡位，仲有以神乎其技功力、剪紙而成的18倍高珍寶紙雕聖誕球。Marina仲特別為香港首展全新設計及製作了世界各地多個經典旅遊景點，並藏身於荃灣千色匯商場2樓的30個小小水晶球之中，經典場景包括莫斯科、巴黎、悉尼、日本富士山及北京等，當然唔少得香港嘅迷人夜景。至於元朗千色匯就有聖誕鹿車及18倍高珍寶紙雕聖誕球，由薄薄的紙片雕砌出的一隻隻麋鹿正密羅緊鼓地載著聖誕老人大派禮物，仲有聖誕節必備嘅金色聖誕樹。

作者：Laurie Wu（愛保健愛旅遊愛購物的熟女）
[email protected]