樂●活｜訂盆菜回家度冬至

所謂「冬大過年」，傳統上冬至係中國人一家團聚嘅重要日子。疫情限聚措施下，未必可以一家人外出聚餐，唔少人都會選擇訂盆菜回家，一家人圍在一起邊吃邊團聚。唔搵唔知，原來而家唔少餐廳、酒店中菜廳都有提供自取，甚至外賣直送嘅選擇，仲畀Laurie發現有KKDay提供多款盆菜折扣優惠，優惠期仲適用至12月31日。

提起盆菜，好多時都會即刻諗起係大大份，近10人以上嘅分量，只要屋企人少啲都會卻步。餸上門推出左節日限定大滿足盆菜套餐，除咗12至14人分量外，更特別準備咗2人版本盆菜，就算人少少兩個人撐枱腳都可以食盆菜，另外仲有4至6人份、8至10人份可以選擇，除咗有唔同分量可以揀之外，每一款都係新鮮製作後，再以真空或密封嘅形式包裝，確保食材新鮮，衞生安全，而運送過程會有冰袋及冰粒冷藏餸包，直至送到府上。

 喺屋企一樣可以食到米芝蓮二星推介嘅盆菜。米芝蓮三星級食府新同樂今年就推出了同樂鮑魚・鵝掌元蹄盆菜及同樂鮑魚・古法羊腩盆菜，可供4至6人食用。除咗盆菜之外，更連獨立包裝嘅蝦籽五味農場雞，更可自選南非即食鮑魚或日本皇冠吉品鮑魚，夠晒矜貴。

至於六國酒店中菜廳就有粵軒聚寶盆菜、名廚御級盆菜及名廚頂級盤菜可供選擇，一律都是供4人用。最特別之處是層層點盆菜，大家可透過聯絡KKday客服，訂製自己喜歡食材，製作一個獨一無二的盆菜，而各款食材全部獨立真空處理，只需放入熱水加熱即可食用。 

香港沙田凱悅酒店嘅傳統真味盆菜就由在元朗長大嘅行政總廚張康民師傅主理，師傅以原個砂鍋呈上外賣盆菜，讓大家在家中輕鬆享受正宗盆菜體驗，傳統真味盆菜有客家燜豬肉吸盡南乳的精華，更有原隻鮑魚肥厚鮮味，滋補花膠吸盡鮑汁精華，當然不少得傳統盆菜的經典食材：白切雞、燒鴨、土魷、魚蛋和豆卜等…另外，更配以獲獎中菜沙田18之招牌美食 ─ 鹹蛋黃魚皮蝦球，將滋味升級。值得一提的是傳統真味外賣盆菜更迎合健康飲食潮流，實行多菜少肉，包括吸入高纖的羽衣甘藍、羅馬生菜，及以全植物食材新豬肉製作的素獅子頭，可選擇4人用或6人用，更可選擇外賣自取或送貨上門。凡訂購外賣盆菜，更可以優惠價選購飯類、美酒及甜品，包括生炒臘味糯米飯、柚子桂花紅荳糕、棗茸蕃薯西米布甸，配上沙田凱悅x少爺啤聯手推出的經典淡愛爾手工啤酒。

鍾意食鮑參翅肚的話，就一定要留意港島海逸君綽酒店的君綽軒出品嘅極品鮑參翅肚盆菜，用上鮑魚、原條海參、厚花膠、魚翅、特級瑤柱，配上花菇、鵝掌及大蝦等各種食材，再以精製鮑魚汁進行燜扣，絕對令人齒頰留香。至於九龍海逸君綽酒店海雲天嘅18道風味極品鮑魚佛跳牆盆菜，就有由大廚精心炮製6頭富貴鮑魚、如意花膠筒、北海道乾瑤柱、茄汁大蝦等18品矜貴食材。 

近年愈來愈多人茹素，今年嘅盆菜連素食者一樣可以食到！KKDay特別推出養生素食盆菜，內有素鮑魚、上湯髮菜、素鴨、牛肝菌、爽脆蓮藕、高湯娃娃菜、冬菇、白靈菇、杞子、秋葵、新鮮淮山、麵筋、冬筍、金菇菜、銀杏、粟子配上素湯包，就算係素菜，一樣令人滋味滿足。 團園亦有推出新派素食盆菜，名為仙林松香嘅素食盆菜以素東坡肉、素白帶子、素鮑魚、素海參等多款特色素食食材創作出不同於傳統素盆菜的新樣貌，別具特色。

以上介紹盆菜可於KKDay訂購，部分只需輸入優惠碼【POONCHOI】更可享95折、高達$100優惠，優惠碼有效期至12月31日。

另外，米芝蓮推介中菜食府翠亨邨嘅滿載而歸波士頓龍蝦鮑魚尚品盆菜選用新鮮波士頓龍蝦，加上南非10頭鮑魚、加拿大帶子及生曬蠔豉，將海中滋味共冶一爐；而年年有餘家鄉煎釀鯪魚傳統盆菜則以手工原條煎釀鯪魚為主打，加上日本元貝、生曬蠔豉、燒鵝等特選配料，正宗口味令人更窩心。

 

作者：Laurie Wu（愛保健愛旅遊愛購物的熟女）
[email protected]