乐●活｜童心圣诞游

趁住今日可以免费搭港铁、巴士同电车，可以乘机多去几个地方打卡兼欣赏唔同圣诞布置！

荃湾海滨嘅维港癫当开心村除咗有癫当美人鱼和癫当小巴，本地文创「猫室」更为咗圣诞节添上新装，除了原有的卡通装置，仲添加多个充满圣诞气氛的节日角色装扮，由可爱嘅癫当带领小袜兔、阿赞猫等一众好友打造维港癫当圣诞游乐园实行与大家一同欢度圣诞！ 

去到荃湾海滨，大家会见到会说话和唱歌、两层楼高嘅5米巨型癫当圣诞树，而呢棵圣诞树仲系以单车人力发电，想看到亮起灯饰的癫当，就要奋力踏单车，将快乐化成力量。另外，湾仔海滨HarbourChill都放咗4米高嘅癫当圣诞树，癫当嘅面部表情还会因应动画而转变，并高歌应节的「蒸糕包，蒸糕包！」每个表情都趣怪可爱！

 荃湾海滨嘅癫当仲化身为4.2米高嘅巨型雪人癫当，仲带埋小袜兔一齐为香港人打打气！另外，癫当美人鱼镇仲搵咗深潜太平洋几千年嘅姨妈，邀请咗美人鱼姨妈上岸欢度圣诞，化身成滑梯让小朋友走到她的背上玩滑梯，与小朋友打成一片！记得留意埋周边嘅桌椅装饰都换成圣诞礼物的造型，大家可以带私伙癫当公仔或手办模型到场拍照，记录与癫当共度的圣诞节！温馨提示！圣诞装嘅癫当会至到12月底，1月初就会换上农历新年癫当装置，记得把握时间去打卡！

讲开癫当，一定要同大家分享一个会四围走嘅打卡装置！九巴独家广告代理Asiaray由即日起至1月13日举行陪您区区过圣诞，仲联乘5位本地知名插画师合作，包括癫当、Felix Ip、Vivian Ho、Zoie Lam及尘阿力，为大会发光巴士（巴士光年）及5个广告客户设计巴士和巴士站广告将浓浓节日气氛遍及各区，同时推广本地原创艺术。陪您区区过圣诞仲将AR元素注入巴士站及巴士车厢广告，只要利用手机扫描指定巴士站广告或椅背广告上的二维码，便能欣赏圣诞限定癫当动画。只要集齐指定嘅巴士及巴士站广告相片上载至官方游戏页面，或在12月25日圣诞节零时零分拍下九巴巴士站的电子显示屏所播放圣诞祝福片段并上载至巴士光年Facebook专页，即有机会赢取限量巴士光年x癫当x PAPERY限量圣诞版口罩套，以及紧贴巴士光年Facebook专页，参加帖文游戏，更有机会获得巴士光年x癫当限量圣诞版1:76巴士模型。

除咗香港代表癫当和朋友们呆，仲可以去埋海趣坊、新屯门商场、恒福商场、骏景广场及Citylink搵来自韩国嘅LYCHEE & FRIENDS探下LYCHEE（荔枝熊）、COCO（可可猫）、哥基小狗JOBI（祖比狗） 、OPPA（欧巴）、刺猬TOM（汤博士）、ZUZU（外星兔）和BOMB（总裁兔）兼同佢哋打卡合照，更有Lychee-Mart 文件夹、 Croissant 两用环保袋、松井2合1电火锅连不黏煎盘等限量精品等紧大家换购，只需要在各商场内以电子消费满指定金额，就可以获得 LYCHEE & FRIENDS 精品或限量精美圣诞礼物。

陪住唔少人成长嘅Tom & Jerry同Tweety会喺LCX上演圣诞美食追逐战，仲化身成2米高的巨型Tom & Jerry汉堡包！由猫鼠冤家Tom & Jerry经营嘅美式快餐店除咗充满圣诞气氛，仲会有经典嘅追逐场景，Jerry为躲避Tom嘅追逐，会变身成不同嘅百厌造型，甚至藏身在Tom口中嘅汉堡包里！圣诞节又点可以没有圣诞树和礼物！Tom & Jerry更偷偷藏在大型礼物盒中跳出嚟同大家摆甫士合照。至于Tweety就会藏身喺大型雪糕甜筒里，可口又可爱，静待各位同居合照。合照，七彩缤纷的Tweety甜筒定必为圣诞加多一点点甜蜜！Tom & Jerry同Tweety仲开咗间Pop-up Store，带嚟唔少趣怪表情同造型嘅公仔等大家带回家！Pop-up Store落地玻璃窗还贴有佢哋和朋友嘅巨型写真，记得要打卡留念呀！

作者：Laurie Wu（爱保健爱旅游爱购物的熟女）
[email protected]