樂●活｜逛聖誕市集（室內篇）

聖誕市集，起源於中世紀時期德國，可以話係其中一個別具特色嘅聖誕活動。仲有半個月就係聖誕，今年雖然仍未有得飛去歐洲過聖誕、逛市集，好彩香港有多個唔主題嘅聖誕市集，無論鍾意行室內，還是戶外嘅市集，一樣選擇多多！

今年沙田新城市廣場以比利時布魯塞爾聖誕市集為創作靈感，舉行Sweetmas Carnival & Market歐陸聖誕甜蜜嘉年華，除了聖誕嘉年華會的旋轉木馬、摩天輪、熱氣球等熱門遊樂場打卡點外，更有由多個超人氣本地創意品牌坐陣嘅Sweetmas美食市集，由蛋糕、麵包、果醬、朱古力以至節日特飲及美酒皆應有盡有，繼早前已登場嘅手作夾心牛角包窩夫Croffle嘅Slowmoffle、浸泡式咖啡包Mate Coffee及Nebu_hk雪花酥，最近仲加入咗日本大阪得獎高級Shokupan專門店 - SAKImoto Bakery嵜本、本地糕點店的Miss Pisces 雙魚小姐、榮獲國際賽季軍麵包情侶檔享樂烘焙、本地香港人製作的本土Gin酒白蘭樹下等，帶來Sweetmas盛宴。逛市集嘅同時，大家只需捐款$50予慈善機構大銀 Big Silver，或以The Point 會員以3,000積分即可參加聖誕愛心工作坊，以韓式線香自製薑餅人、雪人、聖誕葉果等形狀的聖誕特色香薰。

來自荷蘭的人氣繪本角色miffy就會喺MOKO新世紀廣場舉辦MOKO聖誕別注miffy x HOMELESS 北歐冬日精品市集，場內除咗有唔同造型嘅miffy打卡位、市集仲布置成一間間充滿濃厚節日氣息嘅北歐風格小鎮木屋商店，雲集超過500款miffy可愛商品進駐市集，包括一系列miffy精品，由手工毛冷公仔、環保絨毛玩偶、北歐玩具和兒童家飾，到英式風格設計家居器具。另外，為慶祝MOKO 動樂園！盛大開幕，MOKO特意聯同場內多個品牌推出限定優惠，提供低至3折優惠及買一送一優惠，而The Point會員可憑銀聯卡於MOKO簽賬滿指定金額即享冬日消費賞，由即日起至1月2日的逢星期五至日及公眾假期，The Point會員以其他電子貨幣消費滿$3,500亦可換領總值$150商戶及商場贈券，於12月17至26日期間更額外送miffy蠟燭架或鎖匙扣。

想過充滿歐陸風情嘅市集，就可以由即日起至12月27日的周末與聖誕節日期間去將軍澳翩滙坊B1樓，市集主打兩大主題，分別是食品類以及精品類，場內售賣聖誕精品、特色美食包羅萬有，包括比利時朱古力火鍋，於寒冷的冬天與您暖笠笠過聖誕，締造溫馨時刻，更有售來自西班牙著名酒莊 DOSTERRAS的紅酒，當中所出產的紅酒更榮獲世界葡萄酒大賽金獎、銀獎以及頂級柏林葡萄酒大獎賽金獎，適合與好友共聚暢飲。如果想度身訂造精緻的禮物，場內亦有自家製香氛大豆蠟燭，大家可以因應自己喜愛的氣味和需要選擇。

港鐵旗下 The LOHAS康城、德福廣場、青衣城將攜手舉辦聖誕市集，匯聚不同特色主題攤檔，滿足各位食買玩逛4大願望。其中The LOHAS康城特別以文青藝墟為主題，搜羅網紅界推介的小店及品牌，於場內發售各款特色精品如人氣花店Fleurie 29th的應節聖誕花藝飾品、Floroma浪漫動人的香水產品、surprize.u的星球主題蛋糕、TVB女神鄺潔楹出品的petisserie hk人氣手造曲奇及手繪朱古力專門店Chukulik全新推出之星球聖誕樹等，款款別具特色。

出名經常舉行市集嘅D2 Place，今、明（12月11至12日）就會就會舉行「小怪獸冬季旅行團」市集，場內有多個不同特色小檔，帶來不同特色嘅主題精品，更有有獎小遊戲玩，讓大家恍如一個小旅行嘅體驗。

葵興life@KCC就帶領大家出發到插畫大師加藤真治（Shinzi Katoh）的童「畫」國度，帶來童心滿滿的Merry Gift-mas 聖誕童話市集！除咗有以經典童話角色打造的7大暖心聖誕打卡場景，12月10日至12月27日一連4星期周五至周日及公眾假期一連四個周末更有聖誕市集，有齊咖啡、精油、編織、古茶等各式各樣本地手作品牌讓大家完美品味生活，同時更有3大DIY手作坊，以及人氣Busking表演。

連續多周舉行周末會舉行嘅利奧坊，就會喺12月18至19日及12月25至27日舉行佛系聖誕市集，實行反轉西式的聖誕傳統概念，以佛系為主題帶來充滿本地特色和玩味個性嘅聖誕市集，現場除設有以環保物料循環再造嘅佛系聖誕鹿飛機打卡裝置外，更有佛系發呆區及佛系環保擊樂匯演。市集會有超過40個特色攤檔參與，將經典紅白藍設計、香港漁村、霓虹燈招牌、燒味及麻雀等香港傳統元素，創作出各款新潮手作，將60、70年代的傳統情懷重新演繹，帶領大家再次欣賞本地舊有的事物及人情味。市集更設有佛系自由定價攤位，讓大家「隨緣」購買一系列由本地設計師操刀設計、復康人士製作的升級再造產品，而場內一眾檔主亦會捐出部分商品，提供給顧客以「隨緣價」購買，銷售產品的所有收入，將會直接捐贈與聖雅各福群會賽馬會升級再造中心，為慈善及環保出力。提提大家，由即日至12月13日登記出席利奧坊「傳統 x 新造」佛系聖誕市集，同時讚好利奧坊Facebook和追蹤利奧坊Instagram帳號即有機會獲贈聖誕保溫杯。

除咗商場之外，今年連書店都有舉行聖誕市集！商務印書館嘅尖沙咀圖書中心將於下星期六、日（12月18至19日）首次舉行the PLACE聖誕藝文市集2021，除咗有唔同嘅節日優惠，方便大家選購文儀用品及圖書，市集舉行期間更有DIY美甲體驗工作坊、綠惜創意DIY工作坊、聖誕心意咭工作坊、聖誕木掛飾工作坊、復古紡紗x髮圈體驗工作坊Little Paradise紙膠帶拼貼工作坊。

作者：Laurie Wu（愛保健愛旅遊愛購物的熟女）
[email protected]