【独家】《地产仔》同廖子妤争吴肇轩 陈颖欣：这感觉太得人惊

陈颖欣（Yanny）和廖子妤（Fish）最近在ViuTV剧《地产仔》，同样锺意吴肇轩，两人跟对方亦有不少难忘戏份，Yanny坦言拍完不久仲有少少挂住吴肇轩演的「狐飞」，笑言这感觉太得人惊。Fish剧中的中性打扮相当突出，连胡子彤试过当正她男仔差啲拍落胸，而她虽然要束胸演出好辛苦，但耐了反而爱上这造型，更想挑战反串角色。撰文：杜淑霞 摄影：谭壹致 发型：Calvin Tsoi@HAir(Yanny)、[email protected](Fish) 化妆：King Yip@King's Makeup(Yanny)、Melody Chiu(Fish) 服装：agnès b.(Yanny)、initial Fashion(Fish) 场地：Daisy Bloom

剧中Yanny演的「欣猪」同吴肇轩演的「狐飞」甜蜜蜜，连Yanny估唔到拍完后竟然仲挂住对方，「戏外我成日觉得吴肇轩好烦，但系因为『狐飞』嘅关系，我有啲唔小心好挂住佢，竟然完咗套剧会成日都谂起佢，我发梦又见到佢喎！太得人惊！（抽离唔到会出事㗎喎？）完全唔系抽离唔到，但系有一段时间系挂住佢，𠵱家讲番都好伤心，原来挂住个角色系咁深㗎罗！」

Fish剧中演的「鱼哥」经常跟下属吴肇轩、胡子彤、邱士缙和徐浩昌一齐，她最开心成功融入男仔堆，「大家冇当我系女仔，会一齐玩，吴肇轩仲差啲拍咗落我个胸度，佢吓一吓讲Sorry，虽然我有少少吓亲，但系我都几开心！（Y：系咪乘机㗎佢？）应该唔系啩！」Yanny亦大赞「鱼哥」好有魅力，「佢个戏场好利害，佢一换咗套西装出嚟，个个都哗！好有型，佢成日电我，我喺戏入面畀佢电多过『狐飞』。」




原来连Fish自己都爱上这造型，「其实每日束住系好辛苦，系会胃痛啦！呼吸唔系几舒服，但久而久之又变成一个盔甲，我唔着就觉得好唔安全，可能适应咗，尤其是我着埋套西装，我平时个人系比较怕羞啲，见到多人就冇乜信心或者易紧张，但我着住会做咗第二个人，佢畀咗我好多信心。」她更想将来有机会挑战反串角色，譬如《锺无艳》的「齐宣王」或者《红楼梦》的「贾宝玉」。