【独家】一个「冇性趣」一个自己解决 林作证裕美绝对唔系淫妇

麦明诗旧爱林作恋上失婚裕美，但两人背景及学历悬殊，所以恋情未获林妈妈接受，更扬言两人坚持结婚生仔的话，就会断绝母子关系。虽然阿妈唔like女友，但林作无惧阻力及俗世眼光继续去爱，裕美冧到爆：「咁多个男人，最有安全感系佢。」两人更互揭「性事」，男嘅怀疑自己不育，女嘅自爆「冇性趣」仲笑男友锺意自己解决性需要。采访：方骞平

林母对裕美有偏见，后者绝对明白：「父母一定想个仔拣个好嘅，但我觉得应该著重性格多过背景。路遥知马力系啱嘅，我唔会刻意讨好佢妈妈，只系做返自己，我唔系圣人，亦唔系心地唔好嘅人，会尽心尽力对每个人。」讲到声名唔好，裕美坦言，「啲人有乜资格评价我?佢哋完全靠睇花边新闻认识我，好多艺人喺报导中讲到点好，可能好虚伪。我唔识包装，甚至唔识保护自己，连之前家暴都冇讲过。」

冇打算结婚生仔
对于外界指裕美系淫妇，但林作眼中嘅裕美绝对唔系，「裕美好有中国人嘅传统思想，觉得清者自清，其实系假虚伪，咁样令人误会加深，系佢咎由自取。」讲到两人最夹地方，林作话系同样简单及爽直，他说：「现实中个个戴头盔，好隐瞒。」林作又坦言唔打算结婚生仔，所以唔会触碰到阿妈底线：「今日都唔知听日事，都唔知咩世界啦，大家唔好太著重儿女私情，而且我怀疑自己不育，但唔系不举，系精子密度唔够，我男性之风系好好嘅。」在旁裕美阴阴嘴偷笑说：「佢成日自己解决㗎，所以唔系好关我事，因为我冇性趣。」林作说：「我系一个好独特嘅人，所有问题自己解决！」