为撑男友刘俊谦妹妹　蔡思韵被网民笑：和谦谦放闪

刘俊谦和蔡思韵旧年合作电影《幻爱》挞着，虽然佢哋喺电影正式上映前，已经好大方公开恋情，之后拍住做宣传，一齐接受访问，但佢哋态度都唔算好高调。不过呢日电影虽然宣传完，佢哋反而突然被网民狂指放闪。其实系刘俊谦先以「绝对Hardsell之我妹妹是书法字体设计师」为题，大赞完一轮妹妹外，仲贴出同有靓靓英文字体嘅玻璃蜡烛台嘅相，当然有tag埋妹妹个ig啦！隔咗一粒钟，到蔡思韵又贴出类似嘅相，虽然只系写啲打气说话，但后尾写埋「谢谢才华洋溢的书法字体设计师」，然后亦好乖tag埋男友嘅妹妹ig。当然呢个隔空放闪举动，逃唔过网民嘅法眼，即时在蔡思韵ig留言话：「和谦谦放闪」、「闪到眼睛盲了」。不过，俊男美女组合，大家都好乐意睇佢哋放闪嘅！