【独家】合作《地产仔》预冇老友做 吴肇轩胡子彤靠「兄弟打」消气

吴肇轩和胡子彤最近首次拍住担正ViuTV新剧《地产仔》，虽然两人认识多时，但初次有大量对手戏，他们坦承预了拍完该剧可能更老友或者冇兄弟做，好彩合作后无论在公在私都更了解。不过，两人自爆期间不时意见不合，有次更搞到差点反面收唔到科。完成该剧后，两人创出「兄弟打」，让对方任打消气，令兄弟间冇隔夜仇。采访：杜淑霞 服装：Sandro(吴肇轩)、O.N.S(胡子彤)

轩仔和子彤由于同经理人公司，平日有好多其他合作机会，但合作一套20集剧集，对足4个月，绝对是第一次，两人事前有晒心理准备可能出事，轩仔说：「我哋拍拍吓都预咗一系会更加friend，一系会冇兄弟做。」子彤解释，「因为大家做嘢都会有唔同意见，难免有拗撬。」

为逝世妈咪努力工作


原来，轩仔和子彤不但经常意见分歧，仲搞到差点反面，轩仔说：「我哋成日话我哋系演员唔系明星，嗰日拍摄有啲
Over咗，我要一次过就几部机，佢看在眼里就以为我讲一套做一套，到佢拍我就提佢要就个位唔系用唔到。」子彤再说：「我嗰时语气忟咗，答佢『黐线，我净系为个戏好咋喎！』佢听完行咗去，我就知赖嘢，好彩嗰晚倾番，其实佢拍剧经验多过我，佢系知赶所以咁做。」完剧后，两人创出「兄弟打」来维持关系，子轩说：「我哋只要叫『兄弟打』，对方就要佢打消气，咁样兄弟就冇隔夜仇。」




该剧开拍前半个月，轩仔妈咪因癌病过身，子彤都赞他相当专业，完全冇影响工作，「不过佢收工就玩到好癫好反常，我咪叫佢坐低吓倾吓，但讲两、三句佢就喊，知佢要靠玩减压就由得佢。」轩仔谓妈咪是他头号粉丝，所以会做好工作，「我第一套戏，佢带朋友去睇咗七、八次，我有报导佢仲快过经理人转发畀我，佢好支持我演艺工作，所以我会努力工作唔会令佢失望。」