【朱經緯案】指清場武力合法 朱：「掹警棍先可以恢復秩序」

退休警司朱經緯涉於佔領行動期間以警棍襲擊途人，被控襲擊致造成身體傷害罪，今於東區裁判法院續審。朱自辯時指當晚發生的衝突需要合法武力，以恢復秩序，而警方面對的是敵對人群，群眾的個人感受及反應都會受其他人影響。 當晚朱與大隊於晚上7時許到達現場，朱指當時「好多嘅衝突係需要武力去恢復秩序」，辯方問到所使用的武力是否合法，朱即稱「當然啦」，又指當時情況為「你進我退，好似拉鋸咁」，警方發岀有關群眾已參加非法集會的警告及呼籲市民離開，但群眾未有理會，警方亦曾高舉紅旗，以示「唔好衝擊警方防線，唔係我哋會使用武力」，又指警告於整晚已發岀「無數無數次」。 朱續指警方當晚「面對嘅人群係敵對人群」，而他們的個人感受和反應會受群眾影響，並做岀些平時不敢做的事。 主任法官錢禮即表示當時除了敵對人群，亦會有行人及途人，朱表示認同，但及後又補充「很多旁觀者下一秒變成參與者，我哋或者我個人眼中，視佢哋為整體，係分唔到邊個係邊個唔係」，其後他又改稱此看法非個人意見，而是自他任警員及警司，機動部隊亦以此教授人群處理方式。 朱指當晚持續有動亂，而作為指揮者，他需要監察人群動力，當時除了主要人群，亦有其他人群處於旺角不同地方，「可以話係『搞事』」。 朱又提到當時馬路突然多了幾百名行人聚集，有人綁鞋帶，有人跌散紙，亦有人站着不動，故人潮需要轉5至6次紅綠燈才能散去，警方亦要用人手攔着人潮，讓車輛駛過，但人群即組成「人肉障礙」重佔馬路。警方當晚有先作勸籲，但其後需要「physically 推佢哋行」，市民都會稱「我係路過，我係行街」，而當時警方已把警力增至3、4支大隊。 朱續指尚未封路前，人群只講粗口及叫口號，仍屬警方術語所稱「passive aggression 」，但其後群眾情緒愈來愈高漲，警方需要「掹警棍先可以恢復秩序」，朱及後解釋即以「check drills」方式推走人潮，但會與人群有少許身體接觸。錢官隨即問到警員有沒有用警棍打人，朱表示「就我見到冇，但我睇唔晒成場」。 法庭記者：陳詠詩 建立時間:10:52 更新時間:12:21