觀塘連鎖冰室女經理被指落錯單報警兇食客？「有本事叫其他人唔好幫襯！」女經理現身咁回應｜Juicy叮

有網民在聖誕節前夕，帶同太太和兩名子女，到觀塘一間連鎖經營的冰室食飯，店員落錯單，上了辣雞翼，但拒更換，拒退款。

事主指，理論期間，食店經理更報警，態度囂張地說：「我呢度唔使你嚟幫襯，你有本事，就叫其他人唔好嚟幫襯！」

子女受驚 太太嬲到喊

事發在上周三（20日）晚上約7時，該連鎖冰室位於觀塘順利商場1期。

事主在「中伏飲食報料區」FB專頁，發表逾千字控訴長帖，並附有當日實拍的食物及單據相片。

他投訴該間食店以下種種離譜行徑，當時，事主一對子女因此受驚，太太更嬲到喊：

觀塘連鎖冰室落錯單拒換 竟報警兇食客 以下後續更離譜：↓↓↓↓

事發在上周三（20日）晚上約7時，涉事連鎖冰室，位於觀塘順利商場1期。（領展網頁截圖）

為什麼會去光顧？事主說：「之前見有人話（該店）啲嘢食唔差，今晚就同屋企人去試吓。」

他帶同太太、囡囡和囝囝，一家4口幫襯，獲安排坐卡座。

他向店員落單，要了：一份羊腩煲、一份金菇肥牛煲、一份蒸鯇魚。

之後，囝囝想食雞翼。菜單有2款雞翼，一款辣，一款不辣，他向一名「女金髮店員」，落單要「不辣」的脆炸雞翼。

雞翼送到，共有4隻。事主發現「有辣椒乾及蒜蓉粒在雞翼面」，他以為是落錯了「調味料」。

事主揀了一隻沒有沾到「調味料」的雞翼，給囝囝，囝囝吃了一啖，即時吐出來，及吐出口水，表情感到很辣。

事主也嘗試一啖，證實這雞翼是辣的，不是他點的「不辣」脆炸雞翼，他即要求店員跟進。

一名自稱經理的黑髮女店員來到，事主向她說，落單是要不辣的，禮貌地要求更換不辣雞翼。

但是，經理表示不能更換，「我再向經理表示，若果不能更換，就取消退款吧。」

經理竟謂：「這雞翼就係咁醃的，一定係辣的。」「加上指我已食過，無得退款。」

事主再追問何以不能退款，「經理就說，要報警處理（因為我食過隻雞翼要退款），之後經理自己報警去。」

不久，警察到場了解，事主指，警員「告知我，已向經理了解後，經理會退款，案件定為糾紛不和解」。

事件仍未完，事主說：「之後我全家人，在心情極差的情況下，繼續晚餐，但未能完成（因為真係心情變得很差）。」他決定去埋單走人。

他去結賬時，向收銀員要求，提供該經理姓氏，及該店的投訴電話。

但是，收銀員沒有提供，反而「叫嗰個經理到我旁邊」。

女經理走來，「佢再次向我理論我叫的是辣雞翼，是我唔啱。」

「我只向經理說，我會投訴你，及要求投訴渠道。」這時，經理態度開始囂張，及大聲向他說話。

女經理囂張及大聲向事主講：「點解要比我個名你？你唔比你屋企地址我？呢啲係我私隱，我點解要比你？」

女經理「話佢係經理佢話曬事」。

女經理繼續大聲講：「你無錢唔好嚟食嘢！我呢度唔使你嚟幫襯。你有本事就叫其他人唔好嚟幫襯。」

事主向經理指出：「你咁大聲講，角落頭的食客也聽到了，我只係要求你係貴姓，同埋你哋公司嘅投訴電話。」

但是，女經理拒絕提供，還打算用手機「向我拍照」。

事主嘗試向其他員工，查問該經理的姓氏，及投訴電話方法。

但有3至4名員工，都向事主說，不知道經理貴姓，「及勸我不要再追究，請我離開。」

事主強調，要經理跟進時，他是「客客氣氣」，事件「令我太太憤怒得流淚，及小孩受驚」。

事主這餐共付344元，單據見到，辣的雞翼亦照收錢（$29），但在收據中，只寫著「炸雞中翼（4隻）」。

事主感到非常憤怒及無奈，「食到被報警都係第一次！」「我實在感到投訴無門！為何一間大型連鎖餐廳，可以有這樣的服務態度及質素？」

事主的控訴帖文，引來有網民揭發該食店的餐牌，英譯「真係亂咁嚟」，甚至可能可向海關投訴。

該食店的餐牌中，辣的「避風塘雞中翼」（即錯誤落單項目），英譯竟寫著：「Deep-Fried Noodles w/Shredded Pork on top」（「肉絲炸麵」）。

餐牌英譯「名不符實」，可能觸犯《失實陳述條例》，事主幽默地指：「報海關有無得攪先！」

有網民問事主，何以見到有「有辣椒乾及蒜蓉粒在雞翼面」，還照食？「食完先話退錢，都講唔通。」

事主回應：當時，以為「落錯咗啲調味料喺面，又唔想麻煩人哋換，食到嘅都唔換啦諗住」。

事主指出，不在乎是否更換或退款，而是：「間店舖經理處理手法，侮辱食客咁嘅態度，加上投訴無門。」

有網民當時在場目擊事件，指「佢哋服務不嬲都一般」，分店曾試過被投訴衛生差，例如有「粟米『體毛』飯」。

網民意見

網民意見

有街坊見過該店，有食客等外賣太耐想取消，廚師竟走出來罵客：「你等多陣咪有，嘈嘈嘈，嘈咩Ｘ嘢。」

不少網民直斥若有關食店不改善服務，會影響本地消費意欲，「如果係深圳，服務員一定幫你換。」

警方發言人表示，於本月20日晚上7時15分，接獲觀塘一間食店，一名34歲女店員報警，涉及一名38歲男子投訴一碟食物過辣。

發言人指，警員到場了解後，事件不涉及刑事成分，列作糾紛，雙方自行協商解決，無人被捕。

事主已向消費者委員會投訴，現正研究循其他渠道投訴。

網民意見

網民意見

網民意見

 

警方證實接一食店店員報案

警方發言人回覆《星島頭條》表示，於本月20日晚上7時15分，接獲觀塘一間食店，一名34歲女店員報警，涉及一名38歲男子投訴一碟食物過辣。

發言人指，警員到場了解後，事件不涉及刑事成分，列作糾紛，雙方自行協商解決，無人被捕。

網民揭食店餐牌「避風塘雞翼」英譯竟寫...

事主在帖文中表示，已向消費者委員會投訴，正研究循其他渠道投訴。

事主的控訴帖文引發網民熱議，有網民揭發該食店的餐牌，「避風塘雞中翼」的英譯「真係亂咁嚟」，甚至可能可以向海關投訴，詳見上列圖輯。

被指落錯單報警兇食客 女經理現身回應 要點如下：↓↓↓↓

涉事冰室的陳姓女經理，今日(27日)下午接受《星島頭條》電話訪問，回應事件。

她表示，她所以報警，是因該食客話要報警，她是應食客要求報警，「佢要報警我咪報囉！」

為何不提供姓名及投訴方法？她表示：「因為我哋呢間公司係冇投訴電話㗎，佢要老細電話，我老細唔會畀電話佢㗎。」「個名係我嘅私隱。」

她指，當時已退款，並出示了該張已退款的收據。

該張已退款的收據

她指，在警察到場了解後，她已願意退款，而事實上，最後是有退款，「我都幫佢取消咗（雞翼訂單）。」

她又否認自己當時的態度囂張及大聲，反指該食客當時「大大聲喝我話我依家食得唔開心」。

取消單後，她表示，有向該食客道歉，「我有去到檯面，同佢講話唔好意思啊。」

她表示，該店兩款雞翼都是辣，並無落錯單，只是水吧「搞錯」，落錯了辣椒乾。

為什麼當初拒退款？陳姓女經理表示：「上便都已經有辣椒，你如果唔想食唔辣嘅嘢，系咪你就即刻要同我哋講話要換啊，但係佢又冇做呢啲動作，佢又攞咗嚟食。」

她說，餐廳有時會有食客用各理由，「想食嘢唔畀錢」，「係咪有人想食嘢唔畀錢？」

她否認有說過「有本事叫人唔好幫襯」，反指是事主所講，「佢講我要叫順利邨嘅人唔好嚟幫襯你，我話唔緊要啦，你咪去叫囉，你要叫我都冇辦法，係咪？」

她又謂，事主妻子並無當場「嬲到喊」，有CCTV、現場職員及街坊食客做證。

女經理又指事主「過後，佢仲打電話嚟嗌外賣」，其後又取消。「佢用嗰啲133嘅電話（無顯示來電號碼），打電話嚟嗌外賣，嗌咗四個外賣。」

「嗌完之後，轉個頭又打個電話，同我哋話要搵老細，個收銀同佢講，話老細唔喺度，佢就話你同我取消咗佢（指外賣）啊。」

女經理向記者出示當日晚上8:54分的一張「外賣未付」的單據（見上列女經理回應圖輯），單據上未有資料顯示叫賣者的身份。

 

目擊者：佢哋服務不嬲都一般

不少人紛紛留言讉責，「太過份！無禮之極！」「要求換返唔辣，就報警，已經勁抽到難以理解。」

有網民當時在場目擊事件，指「......佢哋服務不嬲都一般......服務其次，我成日覺得佢哋唔係好乾淨。」

街坊：廚師曾走出來罵客

有光顧該冰室及其分店的網民，亦指店家衛生及服務一般：「最正係粟米『體毛』飯。」「呢間喺麗閣(商場分店)，都出咗名垃圾。」

「我等外賣，見過有客話等得耐，取消單，個廚房走出來吵個客：『你等多陣咪有，嘈嘈嘈，嘈咩Ｘ嘢！』」街坊不堪經歷，詳見上列圖輯。

網民：係深圳 服務員一定幫你換

不少網民直斥若有關食店不改善服務，會影響本地消費意欲：「今時今日，咁嘅服務態度，香港飲食業，自求多福，不要怪人，北上消費！」

「仲想要香港人留港消費？......如果係深圳，服務員一定幫你換。」

「佢要報警我咪報囉！」

涉事冰室的陳姓女經理，今日（27日）下午接受《星島頭條》電話訪問，回應事件。

她表示，她所以報警，是因該食客話要報警，她是應食客要求報警，「佢要報警我咪報囉！」

「我哋呢間公司係冇投訴電話㗎」

為何不提供姓名及投訴方法？她表示：「因為我哋呢間公司係冇投訴電話㗎，佢要老細電話，我老細唔會畀電話佢㗎。」「個名係我嘅私隱。」

她指，在警察到場了解後，她已願意退款，而事實上，最後是有退款，「我都幫佢取消咗（雞翼訂單）。」該經理出示了該張已退款的收據，詳見上列女經理回應圖輯。

經理指已退款 即場有道歉

她又否認自己當時的態度囂張及大聲，反指該食客當時「大大聲喝我話我依家食得唔開心」。

取消單後，她表示，有向該食客道歉，「我有去到檯面，同佢講話唔好意思啊。」

「係咪有人想食嘢唔畀錢？」

她表示，該店兩款雞翼都是辣，並無落錯單，只是水吧「搞錯」，落錯了辣椒乾。

為什麼當初拒退款？陳姓女經理表示：「上便都已經有辣椒，你如果唔想食唔辣嘅嘢，系咪你就即刻要同我哋講話要換啊，但係佢又冇做呢啲動作，佢又攞咗嚟食。」

她說，餐廳有時會有食客用各理由，「想食嘢唔畀錢」，「係咪有人想食嘢唔畀錢？」

她否認有說過「有本事叫人唔好幫襯」，反指是事主所講，「佢講我要叫順利邨嘅人唔好嚟幫襯你，我話唔緊要啦，你咪去叫囉，你要叫我都冇辦法，係咪？」

她又謂，事主妻子並無當場「嬲到喊」，有CCTV、現場職員及街坊食客做證。

女經理又指事主「過後，佢仲打電話嚟嗌外賣」，其後又取消。「佢用嗰啲133嘅電話（無顯示來電號碼），打電話嚟嗌外賣，嗌咗四個外賣。」

「嗌完之後，轉個頭又打個電話，同我哋話要搵老細，個收銀同佢講，話老細唔喺度，佢就話你同我取消咗佢（指外賣）啊。」

女經理向記者出示當日晚上8:54分的一張「外賣未付」的單據（見上列女經理回應圖輯），單據上未有資料顯示叫賣者的身份。

----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg