退役「烏蠅頭」上爆罵戰 青年轟：唔教仔就要搵人教 大媽竟挑釁：除褲吖｜Juicy叮

最新泊於灣仔「水上運動及康樂主題區」——「海濱站」的港鐵退役「烏蠅頭」列車，車廂布置充滿祥和的聖誕氣氛，卻懷疑因為有小童玩車門引起同場參觀的青年不滿，青年與小童的母親在場爆發激烈口角，揚言「你唔教就要搵人教㗎啦」。

兩人舌戰期間，四眼大媽連番挑釁青年「除褲丫」以作還擊，圍觀舉起手機拍攝的旁人為求息事寧人，也激動地齊呼「冷靜啲」，保安員亦居中調停。

青年、大媽「烏蠅頭」上爆罵戰節錄逐張睇↓↓↓↓＋ 網民食花生回應↓↓↓↓

樓主帖文。fb「香港交通及突發事故報料區」截圖

港鐵退役「烏蠅頭」列車泊於「海濱站」。港鐵fb圖片

網民：好多都唔識教㗎啦。fb「香港交通及突發事故報料區」截圖

青年：全世界望Ｘ住佢喺度玩門。fb「香港交通及突發事故報料區」截圖

網民：其實而家落公園已經好多呢啲家長同細路。fb「香港交通及突發事故報料區」截圖

大媽：而家明文規定話唔畀佢玩咩？fb「香港交通及突發事故報料區」截圖

網民：隔籬啲花生友，剩係識拎住部電話影，仲要叫個後生仔冷靜啲。fb「香港交通及突發事故報料區」截圖

青年：畀你咁玩㗎咩而家？fb「香港交通及突發事故報料區」截圖

網民：哥仔好嘢！fb「香港交通及突發事故報料區」截圖

大媽：你而家係你邊隻眼睇到佢整壞咗先？fb「香港交通及突發事故報料區」截圖

網民：成日話細個，細個唔使教㗎？。fb「香港交通及突發事故報料區」截圖

樓主12月21日晚上在facebook專頁「香港交通及突發事故報料區」以「今日喺灣仔海濱走廊」為題上載長約2分41秒的短片，直擊兩人充滿粗言穢語的口角。期間，涉事小童站在一旁沒有發聲，一直望著兩人在你一句我一句。

回應的網民幾乎一面倒批評大媽的不是，並有感而發↓↓↓↓

•「其實而家落公園已經好多呢啲家長同細路」、

•「成日話細個，細個唔使教㗎？唔識教真係唔好生出嚟害社會啦！」、

•「細個唔教，唔通60歲先教？」、

•「不知所謂嘅家長，呢啲咪最好嘅身教囉」、

•「媽媽攞尾彩，好有型呀。不過唔識教仔」、

•「好多都唔識教㗎啦，又唔理又唔話，公眾地方唔會諗影響到人，好似自己咁。不過而家香港啲人都好多係咁，唔識教又要生，生完又唔理。由佢」、

青年、大媽「烏蠅頭」上爆罵戰節錄逐張睇↓↓↓↓＋ 網民食花生回應↓↓↓↓

港鐵退役「烏蠅頭」列車泊於「海濱站」。港鐵fb圖片

青年：我有話你整壞咩，叫停止玩之嘛。fb「香港交通及突發事故報料區」截圖

網民：不知所謂嘅家長，呢啲咪最好嘅身教囉。fb「香港交通及突發事故報料區」截圖

大媽：佢幾大個啊......我唔教佢？你教佢做咩啊？fb「香港交通及突發事故報料區」截圖

網民：唔明點解個女人係咁叫人除褲，咁咸濕㗎。fb「香港交通及突發事故報料區」截圖

青年：咁你唔教就要搵人教㗎啦。fb「香港交通及突發事故報料區」截圖

由於鏡頭從後拍攝，無法看清情況，但期間大媽懷疑推撞青年，令對方情緒更激動。fb「香港交通及突發事故報料區」截圖

網民：後面班友拍住喺度剝花生，叫人冷靜，有趣。fb「香港交通及突發事故報料區」截圖

青年：我咪就棟喺度，一齊唔好走，我又唔趕時間。fb「香港交通及突發事故報料區」截圖

網民：媽媽攞尾彩，好有型呀。不過唔識教仔。fb「香港交通及突發事故報料區」截圖

青年：你咪喺你個仔面前Ｘ畀佢睇囉。fb「香港交通及突發事故報料區」截圖

另有網民直接力撐背囊青年「哥仔好嘢！」，並奇怪「唔明點解個女人係咁叫人除褲，咁咸濕㗎」。

還有網民留意圍觀的路人甲乙兩，指「隔籬啲花生友，剩係識拎住部電話影，仲要叫個後生仔冷靜啲」、「後面班友拍住喺度剝花生，叫人冷靜，有趣」。

青年、大媽「烏蠅頭」上爆罵戰節錄逐張睇↓↓↓↓

大媽：除褲吖！fb「香港交通及突發事故報料區」截圖

青年：我叫你Ｘ畀佢睇啊，唔係我Ｘ畀佢睇啊。fb「香港交通及突發事故報料區」截圖

青年：你個仔喺度玩門，你唔教就自然有人教㗎啦，傻Ｘ！fb「香港交通及突發事故報料區」截圖

青年：一Ｘ嘢嘭埋道門，全世界望Ｘ住。fb「香港交通及突發事故報料區」截圖

大媽：邊個講粗口先呀？fb「香港交通及突發事故報料區」截圖

大媽：你真係吖你而家講晒粗口，毛都未生齊，黐Ｘ線嘅你真係吖。fb「香港交通及突發事故報料區」截圖

路人：冷靜啲，冷靜啲，唔好嗌交，慢慢解決OK。fb「香港交通及突發事故報料區」截圖

路人：唔好拗，一人少句。fb「香港交通及突發事故報料區」截圖

港鐵：希望大眾愛護「烏蠅頭」 互相禮讓

港鐵回應事件時表示，一直重視保育，希望為服務香港多年及承載集體回憶的退役列車帶來「第二生命」，包括將退役「烏蠅頭」列車捐贈予發展局並重置於海濱。港鐵很高興見到不少市民和遊客，特別於聖誕假期期間到去「打卡」，享受這公共休憩空間，希望大眾都愛護「烏蠅頭」列車，互相禮讓，並注意安全。

港鐵指出，「烏蠅頭」的重置及車門活動配置採用相對開放的安排，原意希望市民和遊客享受這公共休憩空間。該場地日常管理由發展局負責，而港鐵一直與局方保持緊密溝通。港鐵有留意到關於個別訪客行為的報道，並已與當局溝通，加派人員在場維持秩序，亦會於列車張貼告示及加強廣播，提醒市民愛惜車廂設施，並會按需要適時調整管理措施，希望「烏蠅頭」能夠可持續地在維港美麗的海岸線襯托下，供市民和遊客享用。

「烏蠅頭」重置灣仔水上運動及康樂主題區

港鐵東鐵綫中期翻新列車 ，俗稱「烏蠅頭」列車重置於灣仔水上運動及康樂主題區，並增設院區「海濱站」。本月20日舉行開幕典禮，12月21日起正式開放公眾參觀。

地點：灣仔「水上運動及康樂主題區」
前往交通：
•港鐵會展站A2出口步行約8分鐘 
•灣仔渡輪碼頭步行約5分鐘 
•港鐵銅鑼灣站C出口步行約10分鐘

「烏蠅頭」重置於灣仔水上運動及康樂主題區逐張睇↓↓↓↓

車廂充滿祥和的聖誕氣氛。港鐵fb圖片

「烏蠅頭」列車重置於灣仔水上運動及康樂主題區。 劉駿軒攝

「烏蠅頭」車廂設計分為兩卡，第一卡列車車廂內部設計分為兩區，一區為聖誕限定的黑白手繪風中央車站設計，供市民打卡。 劉駿軒攝

「烏蠅頭」車廂設計分為兩卡，第一卡列車車廂內部設計分為兩區，一區為聖誕限定的黑白手繪風中央車站設計，供市民打卡。 劉駿軒攝

「烏蠅頭」車廂設計分為兩卡，第一卡列車車廂內部設計分為兩區，一區為聖誕限定的黑白手繪風中央車站設計，供市民打卡。 劉駿軒攝

另一區是保留「烏蠅頭」車廂原貌，並加上聖誕裝飾點綴。 劉駿軒攝

「烏蠅頭」於2022年5月6日退役。 劉駿軒攝

「烏蠅頭」於2022年5月6日退役，由港鐵捐贈予發展局，並重置於灣仔水上運動及康樂主題區。 劉駿軒攝

巿民可以亦可參觀列車的駕駛艙。 劉駿軒攝

院區亦設「海濱站」。 劉駿軒攝

海濱站設計極富節日氣氛。 劉駿軒攝

場內以鐵路為主題的聖誕裝置。政府新聞處

灣仔海濱「水上運動及康樂主題區（第四期）」明日（十二月二十一日）正式開放。政府新聞處

一眾鐵路迷率先參觀。劉駿軒攝

「烏蠅頭」展出詳情請瀏覽：

多圖｜港鐵退役「烏蠅頭」明起灣仔海濱展出  黑白手繪風車廂極富聖誕氣氛

多圖｜港鐵退役「烏蠅頭」明起灣仔海濱展出  黑白手繪風車廂極富聖誕氣氛

----

《星島頭條》APP經已推出最新版本，請立即更新，瀏覽更精彩內容：https://bit.ly/3yLrg