毗鄰將軍澳醫院 街坊爆料：富寧花園後山廢村屋養逾百隻鴿 網民喊恐怖｜Juicy叮
2023-12-23 08:11 
將軍澳野鴿擴地盤，開始入侵尚德邨之餘，又進一步禍延毗鄰將軍澳醫院、位於坑口的富寧花園。有街坊日前在facebook爆料，指富寧花園「三座後山有間荒廢咗嘅村屋，嗰度養咗過百隻白鴿，有個女人喺度養」。
樓主早前在facebook專頁「家繫富寧 Home@FuNing」發帖，上載日與夜的雀屎與野鴿相片，留言「大家一早望出去時……係咪都係睇屎（更新：加咗晚上相）」，抱怨附近的野鴿在窗外遺下大量糞便，嚴重影響環境衞生。
坑口富寧花園野鴿為患逐張睇↓↓↓↓＋ 網民嬲嬲回應↓↓↓↓
野鴿患 居民坐困愁城呻爆
帖文獲其他街方附和，指同樣受到困擾，有人留言指「窗都唔敢開」、「超困擾，仲喺冷氣機後面築巢」、「朝早4點就喺度叫」，並指屋苑長者「日日喺花槽曬麵包」。
野鴿患令居民如坐困愁城，紛紛呻爆——
。「最驚佢飛入嚟放下幾粒屎，仲要係唔知喺邊」、
。「我成日坐喺廳都聽到白鴿叫， 其實都好驚有禽流感」、
。「我客廳成日執到雀毛，個窗冇網，幾驚有日返嚟見到群鴿亂舞」、
。「有時候坐喺客廳，聽到咕咕聲，我就心驚驚，驚佢放堆屎，尤其是夏天，如果開冷氣，到時細菌大循環」。
坑口富寧花園野鴿為患逐張睇↓↓↓↓＋ 網民嬲嬲回應↓↓↓↓
恐怖！荒廢村屋養過百隻白鴿
說著有街坊更加爆料，指「最主要在三座後山有間荒廢咗嘅村屋，嗰度養咗過百隻白鴿，有個女人喺度養，每一日都見佢踩單車過嚟餵白鴿」。
樓主以「咁恐怖……」作回應，並近乎絕望地哀號——「究竟有冇人幫到我哋，日日望住咁多屎，真係唔開胃」，回應的網民挺身而出，指「我如果見到佢，我會勸佢唔好再餵」。
坑口富寧花園野鴿為患逐張睇↓↓↓↓＋ 網民嬲嬲回應↓↓↓↓
同場加映：
中女疑尚德單車徑草地餵雀
對於野鴿入侵尚德邨，除了在接連商場與尚智樓的天橋位置，不時見有野鴿徘徊，也有野鴿從尚智樓平台飛出外，有街坊早前在facebook專頁「將軍澳主場」上載短片與相片，當中一名黑衣中年女子懷疑帶同食物，在尚德單車徑草地餵雀。樓主留言指「呢位姐姐仔，每日都嚟餵雀（今日餵海綿蛋糕）」。
網民：搞到啲地方污糟邋遢
尚德疑餵雀中女逐格睇↓↓↓↓＋ 網民嬲嬲回應↓↓↓↓
回應的網民沒好氣地呻「唉！啲人淨係以為有愛心，但又唔諗下佢哋（雀鳥）周圍飛，周圍痾屎，痾到一撻二撻，搞到啲地方污糟邋遢 ，你估隻白鴿個活動範圍淨係得公園咩」、「其實啲人點解要喺屋苑隔籬餵，你去山卡啦地方餵無人理你啦」、「整到成地老鼠」。
尚德疑餵雀中女逐張睇↓↓↓↓＋ 網民嬲嬲回應↓↓↓↓
野鴿為患相關新聞：
將軍澳野鴿擴地盤 寶琳坑口傳至尚德 網民：恐鳥症患者驚到兜路走
鳳德邨住戶疑窗外餵鴿 樓下慘變鴿屎牆 網民力薦掛「驅鳥神器」
大膽野鴿闖富山邨街市偷食芽菜？ 網民眼冤：周圍都有人餵野鳥
扶手電梯上生蛋 白鴿媽好尷尬 網民冒汗：時局動盪亂世出英雄鳥
吊頸假鷹趕雀失敗反惹一身屎 網民耻笑：成隻企鵝咁
野鴿冷氣機外聚集惹衛生問題 將軍澳街坊各出奇謀趕鴿
禽流感相關新聞：
濕地公園兩赤頸鴨對H5禽流感病毒呈初步陽性 園內加強清潔消毒
濕地公園針尾沙錐及綠翅鴨屍疑染H5禽流感 漁護署即通告鄰近雞場
米埔綠翅鴨屍體疑染H5禽流感 漁護署密切留意本地活家禽農場及批發市場
米埔自然護理區一鳥糞樣本驗出H5N1病毒 區內已加強清潔消毒
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
最新回應