Juicy叮｜離婚20多年後生母突借錢買樓 港女拒絕：不如幫手供埋樓
2022-05-30 16:29 
網民在「香港討論區」發文，指自小父母離異，她和姐姐跟爸爸生活相依為命20多年後，近日媽媽突然現身借錢做首期與男朋友買樓，令她大為反感。
父母在她小時候已經離婚，多年來媽媽都沒有跟她和姐姐生活，只是間中會外出食飯見面，以前媽媽也是只是會向女兒給錢買些生活用品書簿文具之類，「老實個啲嘢我哋可能唔需要，但係佢唔買都買咗，同佢講返唔好晒錢，佢又鬧返我哋唔珍惜佢送既嘢…可以話阿爸係畀照顧我哋而阿媽就係畀物質」
發文者與姐姐長大後漸漸疏遠不想跟媽媽見面，父母離婚之後各自都有新歡。爸爸交了一個感情好的女友，而媽媽則離離合合幾次，每次都受騙，最近才找到新男友穩定下來。最近媽媽與男朋友最近打算買樓，聲稱打算住到百年歸老都可以留下來給兩姊妹，但媽媽不夠錢交首期，於是主動借錢買樓。
發文者與姐姐確實無這麽多的現金，媽媽隨即怪責「咁大個人連十幾萬都拎唔到出嚟咁廢」。發文者於是勸説媽媽不如不要買樓，指媽媽現在住公屋都無問題，「佢又死都唔聽，最後問晒啲同事親戚朋友借錢終於畀佢籌得到淨低既錢，佢仲要問埋我阿爸借錢」。
發文者對此心有不忿，「都離咗婚咁多年，廿幾年嚟兩個老死不相往來，當年都係因為錢問題我阿媽企硬話要離婚，依家自己有需要又嚟問我阿爸借錢…到佢籌得晒筆錢之後，仲要話佢養咗我哋咁多年，點解我哋係佢需要幫個陣，我哋唔出錢幫佢。」發文者又質疑，媽媽強行買樓他日無錢供樓又來求救，「咁我借錢畀你可以等你畀到首期啦，咁你供樓有困難個陣我又要借錢畀你？咁點解你唔直接叫我哋兩姊妹幫你供埋樓？」。
有網民認為「借錢畀佢係害咗佢，至怕⋯⋯佢又一次俾人呃」、「你同你媽講，你細細個就家庭破碎，痛苦地生活咁多年，你都未問佢賠償精神損失。快啲問佢男朋友屋企人借錢賠俾你，佢又唔係供到你讀名校，搵唔到好工，有鬼錢呀，自己都唔夠用。」
立即下載｜全新《星島頭條》APP：https://bit.ly/3yLrgYZ
最新回應