Juicy叮｜與兄被迫遷出公屋港男猶豫合資買樓 獲勸小心反目

俗語有云「人情還人情數目要分明」，有網民表示，年底將會與哥哥被迫遷出公屋，父親則會北上長住，網民於是猶豫應該和哥哥合資買樓還是暫時租樓住。

網民在「香港討論區」發文，他原本與父親及哥哥同住公屋，但因為父親的特殊原因而要在今年年底被迫遷出。他與哥哥打算一齊搬出，父親則北上內地長住。雖然他和哥哥都儲備了一筆錢足夠可以買樓，但兩兄弟始終有一日會結婚，擔心要4個人被困一間屋內。

網民擔心合資買樓，萬一將來兄弟各自結婚要分家會有爭拗。《缺宅男女》示意截圖

 

發文者於是猶豫，應該和哥哥合資買樓，還是一起租樓暫住，他擔心「買樓就穩定啲，起碼層樓都係自己名，但之後如果我地是但一個結婚，層樓就唔關自己事，又拎唔返舊錢…」，而「如果阿哥結婚先我都會打算自己搬走，但係如果夾份買樓到時錢又未必拎到個陣又係煩」。他補充，「阿哥打算係想長期住唔想隔幾年就要搵樓再搬，覺得麻煩」。

 

網民年底被迫遷出公屋，猶豫應否與哥哥合資買樓。示意圖片

有網民留言就奉勸切勿合資買樓，「千祈唔好夾份買同一齊住，最後兄弟都無得做！」、「兄弟可以如手足，兩位阿嫂就麻煩囉，到時有人想買賣有人唔想賣，又或者賣價唔一致，你年輕，問多啲過來人吧！」、「升嘅話就好地地，如果跌嘅話兄弟都無得做，仲要夾錢贖身。到時如果係跌嘅話隨時係哥用市價收埋細佬嗰份，細佬到時一無所有，如果再差啲嘅話隨時細佬仲要拎錢畀大哥贖身走人，咁搞法兄弟都無得做。升都唔係好著數㗎咋，升嘅話是但一個買埋又好、買完分返都好，最後好大機會大家都齊齊拎住少少首期買唔到」。

 

網民年底被迫遷出公屋，猶豫應否與哥哥合資買樓。示意圖片

不少人建議合租，「我建議租，只係因為兩兄弟自住或結婚始終要分，同樓價升跌無關係，如果自己自用就算下跌我都會買，自己有能力必買，租始終唔係自己」、「各自租屋。等自已有能力才買樓。兄弟反面好多時都是為錢。」、「有人睇升，買。睇跌，租，睇平穩，買。都係搏，將來無人知。樓主明白，小時兩兄弟，大了兩伙人。如買，最好定明細節，例如一方結婚，沽出分錢等等。租係乾手淨腳啲，但若隨後升，而錢緊，就錯失，當然跌就梗係租好。」

帖文轉載自「長遠黎睇，我應該租樓定買樓？」

立即下載｜全新《星島頭條》APP：https://bit.ly/3yLrgYZ