Again My Life丨Do姐迷上李準基 大讚Oppa睇得又打得

近年迷上韓劇的鄭裕玲（Do姐）不時在電台節目《口水多過浪花》分享煲劇心得！前日她在節目自爆是李準基粉絲，激讚男神相貌標緻，又直言「我幾鍾意呢啲樣」！

因此Do姐好關注準基Oppa新劇、Viu Original原創動作劇《Again My Life》，更透露自己追足四集，大讚劇集節奏明快：「我鍾意呢套戲係因為佢（節奏）好爽、唔會拖，同埋你會有少少覺得，如果我有一個咁嘅機會返去以前，讀書嗰陣有好多犯錯、或者見到同學行差踏錯，你可以幫佢。」

Do姐在《口水多過浪花》推介韓劇《Again My Life》。

Do姐近年迷上韓流，之前特別現身《鬼怪》男神孔劉（左）在亞博舉行的見面會。

必睇唯美打戲

提到李準基的「童顏神話」引發網上熱話，主持人迪偉直言劇中回到高中的準基Oppa外貌「Amazing」，Do姐也補充：「佢啱啱過完40歲生日，真係離晒譜！佢皮膚好好、白白淨，但係又打得。」她還點名激讚第一集的西裝打戲拍得唯美，拍檔也笑指劇中西裝在主角加持下已經賣斷市。

至於《Again My Life》的必睇位，主持人不約而同認為是動作場面，Do姐亦不禁劇透：「每集都有，李準基每一集一定有一場打戲！」

主持人笑指李準基穿著的西裝已經賣斷市。

Do姐認為李準基睇得又打得，令劇集生色不少。

 

迪偉直言被李準基的逆齡外貌嚇親！

更多第5波疫情資訊，請到以下專頁瀏覽按此  

立即下載 | 全新《星島頭條》APP: https://bit.ly/3yLrgYZ