獨家丨解封晚市堂食等足3個月 黃宗澤盼消費券刺激食客「食豪啲」

第五波疫情爆發，飲食業首當其衝，晚市堂食禁令維持了3個多月，不少食肆「吊鹽水」 ，政府宣佈由明日（21日）起，恢復晚市堂食終見曙光，一眾星級老闆黃宗澤、譚俊彥、林夏薇及黃美棋等回應《星島娛樂》時都表示十分期待，希望市民收到消費券，刺激消費意慾吃「豪」一點。

黃宗澤在尖沙咀開設蠔吧餐廳，第五波疫情影響已損失過百萬，但堅持不炒人、不減薪，他說：「同員工都好期待，不過現階段無打算推出新menu吸客。之前停晚市入少咗貨、做少咗生意，而家會入番啲貨，入定多啲靚蠔、靚食材等啲客來吃，希望大家收到消費券，刺激到消費慾，下午嘅客人都多咗消費。」

黃宗澤因第五波疫情影響已損失過百萬。

黃宗澤會入定靚蠔吸引食客。

 

經營西餐廳的譚俊彥說：「呢一波等咗好耐，放寬晚市當然好，熟客好好，開番晚市好多熟客預約，之前受疫情影響人事上有變動，餐廳有個新廚師、有新Menu，但唔會一次過谷客。最緊要做番熟客先，大家輕輕鬆鬆出番來食餐飯，𠵱家食餐飯好似好艱難，等大家慢慢出來食返飯，或者有更多慶祝聚會，大家開心就好。」

林夏薇開設多間點心店，她說：「我哋主要做點心，唔係太多間有夜市，為配合晚市，最緊要唔好鬆懈，緊守做好防疫措施，晚市人流才會增加，希望大家做好啲，可以有多一點娛樂。至於消費券方面，相信會有幫助，會刺激到大家的消費意慾。」

黃美棋開設台式餐廳，她說：「以前晚市一直有送糖水，而且經常會轉新Menu，現恢復晚市會提供更多優惠，消費券多少都有幫助，起碼會叫多兩碟小食。」

黃美棋話會轉新menu。

林夏薇叫大家唔好鬆懈。

譚俊彥最想留住熟客。

更多第5波疫情資訊，請到以下專頁瀏覽按此  

立即下載 | 全新《星島頭條》APP: https://bit.ly/3yLrgYZ