林子博爆英國讀書兒子因一句說話 遭老師警告涉種族歧視

林子博去年8月帶同16歲長女詠渝及12歲細仔卓楠移居英國，經常會在社交網分享生活點滴，子博今日在Facebook撰寫千字文，透露兒子卓楠在英國讀書時，因一件事遭老師警告涉種族歧視；而文中開頭指最近一套劇集角色引起好多爭議，雖然沒有明言，但似乎是暗示近日TVB劇集《金宵大廈2》中，演員黃婉華因塗黑皮膚扮外傭，被指涉種族歧視，因而有感而發。

子博寫道：「英國係一個多人種嘅社會，所以喺一間學校入面，你係會見到有好多唔同種族嘅學生。一日，卓楠喺小息時見到一位別班嘅非裔女同學，突然喺自己面前扮猴子，跟住我個仔就講咗一句『你做乜扮猴子？』就係咁，我個仔被老師警告，佢牽涉種族歧視！」
 

林子博去年8月移居英國。

 

與子女已適應當地生活。

 

人與人應多點同理心

子博表示明白兒子沒有歧視同學的心，兒子解釋是因為同學的舉動才令他有所誤會，而非他的膚色；但子博認為兒子升讀中學，開始長大，說話前也要顧及別人感受。子博舉例如見到一位同學的牙齒好白，真心欣賞並讚美，他反問：「你估你對住乜嘢種族嘅同學，講呢句本來『讚美嘅說話』，最終會變成有可能牽涉種族歧視呢？」他指不論什麼地方、什麼種族、什麼階層、什麼性別，即使講者無心，或聽者有意，大家亦應互相體諒和學習：「其實人與人之間係好需要多啲用同理心，去顧及別人嘅感受！」

 

子博明白兒子沒有歧視同學的心。

更多第5波疫情資訊，請到以下專頁瀏覽按此  

立即下載 | 全新《星島頭條》APP: https://bit.ly/3yLrgYZ