陳山聰靠模仿劉德華被賞識為生計曾轉行輾轉回歸TVB

2022-04-20 08:30

陳山聰有份主演的《金宵大廈2》近日熱播，山聰早前接受TVB娛樂新聞台節目《星光路上》專訪，原來明年便是他入行三十周年紀念。山聰自爆當年是劉德華的忠實粉絲，求學期經常流連港台搏見偶像一面；由於出現次數頻繁，連華仔也對他有印象。

機緣巧合下，山聰面試《歡樂今宵之四大天王模倣大賽》並順利入圍，為演藝路揭開有趣刺激的第一頁：「我同學臨Last Minute陪我坐的士上廣播道，我唱咗兩句就畀人叮，當時仲諗住玩吓咋嘛。點知兩日後真係收到入圍電話，華仔當時見到我都打咗個凸。」節目中還找來當年山聰與華仔同台合唱《長夜多浪漫》的珍貴片段，當年頗為英俊的山聰，年紀輕輕不但零怯場，且唱歌聲線激似華仔。

山聰其實係做歌手入行。

山聰與主持潘盈慧分享入行經歷，當年面試《歡樂今宵之四大天王模倣大賽》順利入圍。

有機會與劉德華合唱，仲獲賞識，真係開心到飛起。

之後山聰接獲不少邀請其加入演藝圈的電話，不過遭山聰媽咪以年紀尚輕為由拒絕：「當時我中五都未畢業，之後攤咗一段時間，華仔助手話華仔搵我，當時我仲以為華仔搵我做助手，開心到不得了。」結果華仔帶山聰見其當時的經理人，並給了山聰更大的意外驚喜：「佢話華仔想簽我，我直情呆咗，返去即刻同阿爸阿媽講劉德華要簽我！」山聰直認當年做歌手由於實力不算強，故主要賣青春及賣陽光，可惜遇上97金融風暴而結束了僅得四年的歌手生涯：「之後我上咗內地拍劇，亦係我第一次認識伍詠薇。」山聰透露處男劇集作品是《男人四十一頭家》，並笑指當年連撳個門鐘都緊張過人，相當搞笑。

當年嘅山聰真係賣樣賣青春。

山聰透露處男劇集作品是《男人四十一頭家》。

由於當年演技尚未到家，山聰指上完內地拍劇後便再沒有演藝工作找上門，為了生計，曾轉行做過Part Time Sales及為本地設計師打理店舖，之後雖獲賞識試做Assistant Designer，但由於心繫演藝圈，輾轉返回TVB，並做了多個旅遊節目。靜待拍劇機會的山聰，憑《情牽百子櫃》「回歸」劇集拍攝，之後2009年再憑《學警狙擊》「左輪」一角成功入屋，山聰憶述當年被監製黃偉聲睇中經過：「有日我光頭同戴住超，去咗七樓同啲監製打招呼，聲哥見到我就同我講話《學警》有個角色好有發揮，我一聽到腦海已經有晒造型，就問聲哥可否畀我試吓諗造型，跟住我試完後，聲哥話：『就係呢個喇』。因為聲哥一個信任，畀咗我好大發揮，嗰時開始有觀眾同監製留意我。」