馮允謙為7月十周年演唱會影海報惜肉如金拒露胸前兩點

2022-04-20 14:30

今年是唱作歌手馮允謙（Jay）出道10周年，今日他宣佈在7月2至4日，假九展StarHall舉行三場「馮允謙Have a JAY Time 2022 演唱會」。0日前Jay拍攝演唱會海報，他激罕解開衫鈕，脹卜卜胸肌若隱若現，非常吸睛，不過堅守拒絕露點，Jay表示：「今次影相最大挑戰，係我前兩日同屋企人上咗郵輪玩，食咗好多嘢，嚟到影海報時就知驚！」拍攝團隊為Fans謀取福利，不停解開Jay的衫鈕，挑戰他的性感尺度，Jay笑謂：「有少少尷尬，好驚啲肥膏『咇』晒出嚟！多謝攝影師好叻，搵啱角度，影到好靚！」

除了衫鈕，胸肌若隱若現，不過堅守拒露點。

日前為個唱海報拍攝。

個唱開騷倒數尚餘70天，Jay透露已開始努力減磅：「去年減咗15磅，但自從爸爸返咗香港同我一齊住，呢半年佢日日煮好多好好味嘅嘢畀我食，我唔食佢會嬲，作為孝順仔一定要食晒，結果重咗10磅，就嚟開騷我真係唔可以再食。」Jay的另一挑戰是背熟歌詞，他坦認記性欠佳，要記熟所有中文歌詞要花上很多時間，現在他會不停聽會在個唱上唱出的歌，笑言連睡覺聽着，希望發夢都能記得。