不要忘記我愛你丨黃真真大讚娜扎 劉以豪 又靚又勤力又真誠

由黃真真執導，娜扎及劉以豪領銜主演的新片《不要忘記我愛你》今日發佈全新預告及海報。電影是一個甜蜜又動人的愛情故事，星玥（娜扎 飾）的戀人陸堯（劉以豪 飾），記憶只能保存一天，這對在外人看來沒有明天的情侶，卻願意為了彼此勇敢一次。

兩人在戲中好多甜蜜互動。

導演大讚兩人CP感強勁。

預告中，飾演情侶的娜扎和劉以豪在雨中並肩奔跑，又在天台浪漫擁吻，兩人在值得紀念的時刻都會自拍留念。

對於今次選角，黃真真形容娜扎和劉以豪的「CP感好勁！」，女主角娜扎更讓真真大感驚喜：「起初以為娜扎會係嗰種有偶像包袱嘅大美人，點知開拍前同娜扎第一次見面，先發現佢既精靈又有童真，同佢傾完偈更加覺得佢好可愛，完全係戲入面呢個角色需要嘅特質，實在難能可貴。」真真更大爆與娜扎初次見面，已讀到對方手機中的長文筆記，寫上自己對角色的看法，是一位具備顏值又做足功課的演員。

導演讚女主角精靈又有童真，同角色好相似。

另外，真真表示從拍攝過程中亦認識到以豪鏡頭外的一面：「我從《比悲傷更悲傷的故事》呢部電影留意到以豪，佢除咗外表係一個暖男，演戲時情感自然流露，所以相信佢能夠招架得住我喺片場時畀演員即興演出嘅考驗。」原來以豪給真真首個印象就是真誠，會主動敞開心扉分享他對角色的所感所想，令真真印象深刻：「遇到咁真嘅男演員特別難得！」難怪電影未上映，真真已經期待再有合作機會。

 

以豪因為真誠令導演覺得好難得。

電影將於明年2月上映。