怪獸與鄧不利多的秘密丨首預告曝光 魔法師選主席掛中文旗幟

《怪獸與鄧不利多的秘密》（Fantastic Beasts: The Secrets of Dumbledore）今日釋出首回預告。故事講述阿不思鄧不利多(祖狄羅飾）知道強大嘅黑巫師葛林戴華德(麥斯米基辛飾)正準備控制整個魔法世界，但佢亦深知自己冇能力單拖阻到佢，就委託奇獸學家Newt Scamander（艾迪烈柏尼飾），由佢帶領一班勇敢又叻嘅得力助手，包括出身古老家族嘅巫師、教師、佢阿哥魔法部首席正氣師Theseus Scamander以及一位麻瓜烘焙師去阻止呢場魔法世界大戰。

黑巫師葛林戴華德(麥斯米基辛飾)。

 

奇獸學家Newt Scamander（艾迪烈柏尼飾）。

預告一開始就係《哈利波特》系列電影中觀眾熟悉嘅老鄧不利多，再與《怪獸》系列的後生鄧不利多對話，Fans表示非常驚喜。

老鄧不利多。

後生鄧不利多。

預告片長2:38，已有多場魔法大戰場面，由艾茲拉米勒飾演的魁登斯以全新長髮造型跟鄧不利多開拖，睇嚟今集可以解開唔少謎團。

魁登斯(艾茲拉米勒飾)。

魁登斯同鄧不利多開拖。

擔任編劇的J.K.羅琳，之前曾用張家界國家森林公園的照片上載到Twitter，而在預告亦出現唔少中國元素，如大批魔法師聚集選國際魔術協會選主席，場中就有兩大張以中文寫成的旗幟。另外亦有唔少西藏特色，如景、人及轉經筒出現。

電影將於2022年4月在港上映。

魔法師聚集選國際魔術協會主席，場上掛上中文旗幟。

西藏特色景點及有西藏人現身。

如西藏的轉經筒。