拳王丨張振朗克服畏高處男滑翔傘 遇兩大阻滯蔡潔送抱打氣

由黎耀祥、張振朗、黃子恒、朱敏瀚、姚子羚、蔡潔等主演的TVB台慶劇《拳王》劇情漸入高潮，今晚將有兩大重頭場面！先是加晴（蔡潔飾）將「左擁右抱」正藍（張振朗飾）及Danny（朱敏瀚飾）倒頭大睡，令三角戀更添耐人尋味。另加晴今晚還會「要脅」正藍，要求正藍玩滑翔傘。是幕可算是《拳王》一大感動位，正藍在天際翱翔之際，想起昔日與嫲嫲（羅蘭飾）及哥哥正曦（譚俊彥飾）的點滴，勾起嫲嫲真正遺願，是希望他多留意身邊美好的事物。

今晚加晴將左擁右抱！

蔡潔劇中感動到喊。

 

不過，拍攝滑翔傘需配合天時地利，偏偏拍攝當日好大風，台前幕後要等足五個多小時，振朗才能順利起飛。本身畏高的振朗，為了「海正藍」這個角色獻出處男一飛，現場見他表現緊張，不時做熱身，又強顏歡笑為自己打氣及緩和氣氛，身旁的蔡潔即送抱兼大叫「加油」為對方打氣。

 

振朗雖然好驚，但仍不時展露笑容為自己打氣。

由於知道振朗畏高，所以蔡潔都有盡量陪住呢位拍檔。

準備起飛，振朗全程好細心聽Briefing。

而今次陪振朗一齊飛的教練，也是第一次兩個人飛，難免令振朗心情更緊張，他說：「飛咗之後，佢不斷提醒我應該點做，同埋用對講機同伙伴溝通以策安全。但其實我一飛出去就要做戲，而且場戲仲要都幾多情緒轉換，我惟有『聾耳陳』上身扮乜都聽唔到，諗番都好搞笑。」監製Andy亦大讚振朗是次表現超越滿分：「講真畏高玩滑翔傘我知道已經好攞命，佢仲要拎住部攝影機全程影住自己兼要做表情，真係少啲專注力都做唔到！」

 

場面好壯觀。

雖然等足5個多小時才能起飛，但最後都順利完成。