鄧兆尊叫女友們做豬扒自認掃街專執唔好嘢

2021-12-14 17:30

鄧兆尊和楊天命今日為香港開電視虎年節目《開運秘笈》錄影，兆尊雖然相信風水命理，但不會刻意詢問前程來趨吉避凶，還笑說：「一陣話不宜行房咁點算？」眾所周知兆尊身邊有3位紅顏知己，新任女友陳小姐早前肚凸凸出巡，即傳出兆尊準備當爸喜訊，他否認說：「係舊相嚟，點會有咗，有咗就大鑊，遵守唔到承諾，做人講咗要算數。」並表示女友近日因腸胃炎瘦了不少，被笑指是「幸福肥」，兆尊指不清楚，或者是「走樣肥」，又自認不介意女友肥，更笑說：「佢哋係豬扒嚟，我唔會睇外表，我掃街，專執晒香港最唔好嘅嘢走。」

兆尊自認掃街，專執晒香港最唔好嘅嘢走。

新歡陳小姐被指有「幸福肥」。

陳小姐早前被傳懷孕，兆尊否認。

鄧兆尊指女友是「豬扒」，但自己完全唔介意女友肥，曾與二奶車厘子（左）和大婆Carmen（右）一齊睇騷。

至於聖誕佳節會跟誰度過？兆尊指看邊位需要，又指在家地位很渺小，只係高過隻狗少少，幸好大家和藹有禮，故節日會任由3位女友安排，已有心理準備，他說：「佢哋唔會咁好放我假，成街都係線眼，返工咪放假囉。」兆尊早前參與TVB《麻雀鬥室三缺一》錄影，一連兩日都玩足11小時，時間很長，他透露暫時不會拍劇，自嘲已到老人年齡，但中年人樣，演老竇又未夠，演後生又唔得。他近日空閒會為「武醫會」做義工，帶領學生照顧長者。