許廷鏗多謝Day帶挈搵真銀 歡迎《造星IV》參賽者睇牙會畀折頭
2021-12-14 19:15 
許廷鏗（Alfred）與《全民造星IV》學員許軼 （Day）今日出席活動，呢期頻頻出席活動賺錢的Alfred笑言多得Day帶挈，今次是他第二次跟學員出席Event。問到今年是否賺好多?他笑言無計過，財政交由家人處理，因為工作繁忙，若然要自己處理就比較複雜，皆因數口不精。他說：「今年好喜出望外，因為自立門戶開公司，得到客戶支持打咗好多強心針，美中不足是在音樂上創作未夠多，頒獎禮以平常心面對。」他又說近年樂壇多咗好多新血，當中以男仔居多，不過因應全女班的《全民造星IV》可以創出新景象。
Day對於未正式出道，但獲得出席賺錢活動的機會，可會增加贏比賽的信心。她自言信心不大，又認為每位參賽者均靚女又有實力，會以平常心做好自己。當笑問可會找導師許廷鏗睇牙時？Alfred聞言即說：「我會畀折扣，但暫時未有學員搵我，我歡迎佢哋睇牙，從健康同美觀角度嚟講，清潔吓都好。」
最新回應