Lucy冷衫襯長襪包睡褲踩高踭鞋 師奶Look嚇到阿媽醒晒

李璨琛（Sam）的3歲囡囡李元元（Lucy）向來貪靚，經常在家中不是開化妝舞會，便穿上公主裙扮靚靚。昨日（2日）Lucy又有新造型示人，見她身上穿開胸冷衫，下身就以長襪包着白色睡褲，再襯對一吋高閃閃的高踭鞋，完全是走在潮流的尖端。Lucy着住高踭鞋通屋走，行得非常自信，不過Lucy媽就對囡囡的一身打扮直言好核突，又指似師奶仔。

Lucy媽寫道：「阿女阿女你知唔知喺好多人心目中李阿媽係一個型女嚟㗎（係呀阿媽自己咁諗）你着到咁，你叫我情何以堪啊 #一出廳見到佢着到咁 #真係成個人醒晒 #李大媽 #拳頭緊扼（握） #點解要咁着呀BB」，不少網民留言大讚Lucy好潮：「潮流會因佢而起」、「識襯一定係長襪包睡褲配高踭鞋」、更有人叫Lucy媽：「教佢唱倒轉地球啦！」