拳王｜張振朗為1分鐘場口玩命操練 「紅都面晒」爬鐵鏈凌空挺舉

TVB台慶劇《拳王》昨晚劇情講述一心要贏走金腰帶的海正藍（張振朗飾），經歷了無數艱苦訓練後，終於踏上泰拳擂台實踐夢想！鏡頭所見，正藍的操練片段加在一起前後片長約只有57秒，但振朗為了這不足1分鐘的場口卻做了多項鍛鍊，不少更是超高難度動作，包括爬鐵鏈、凌空挺舉、孭沙包跑樓梯、sit up及舉啞鈴等。據知除了振朗，整個劇組亦相當辛苦，為了該個1分鐘片段，台前幕後不但走勻港九新界，更拍了足足6日！

根據劇組在官網曝光的訓練片段，張振朗每條片均是瞓身拍攝，其中一條短片，操練至「力竭」的張振朗更一度「紅都面晒」！問到拍攝過程是否很辛苦，振朗透露：「因為我覺得拍到關於打拳題材嘅劇機會好難得，好想畀觀眾感受到一個拳手為咗打拳可以去得幾盡，所以我都要求自己出盡全力做好件事，唔好浪費劇組咁多位同事付出嘅心機同努力。」