高海寧海邊做瑜伽騷S形身曲 發表磁場論若你盛開蝴蝶自來

高海寧（高Ling）趁住唔使開工嘅日子，偷閒去南丫島，過幾日遠離繁囂嘅悠閒生活。高Ling近日頻頻喺社交網上載島上嘅歡樂片段，與外國朋友暢飲，又跟小朋友一齊睇日落，散發一股母愛，高Ling以英文留言：「同呢個細路仔一齊真係一個好神奇嘅時刻，佢話『你聞起嚟好似雪糕。』」小朋友仲忍唔住錫咗靚姐姐一啖。

但講到最吸睛，就係高Ling穿上貼身瑜伽服喺海邊做瑜伽，盡顯S形曲線身材，加上單腳企，及低頭扭身體動作，柔軟度超高。高Ling有感而發話：「每個人身邊都有一個磁場圍繞，無論你在何處，磁場都跟着你，而你的磁場也吸引着磁場相同的人和事。換句話說，你所遇到的一切，好的壞的，其實都是你吸引來的。你若盛開，蝴蝶自來。你若盛開🌼蝴蝶自來。」鍾嘉欣都留言表示贊成。