星島獨家丨Anson Lo反串獲拍檔激讚靚女 蘇皓兒直認被迷倒

「教主」盧瀚霆（Anson Lo）首登大銀幕成為影壇新星，平日在熒幕上擔當活躍跳唱偶像派，今次在戲中卻破格反串女裝上陣，男神激變女神魅力依然，艷麗裝扮更獲讚靚女，拍檔蘇皓兒大爆教主有「暖男」風度，被對方迷倒。

文：卓寶花 圖：陳敏華

Anson Lo與蘇皓兒（Chole）和陳紫萱（Summer）合演青春電影《假冒女團》，今次教主完全放下偶像包袱，放膽挑戰角色。戲中反串造型更連兩位女拍檔都激讚靚女，相反教主尷尬謂：「我梗係覺得唔靚啦，她們說靚，但我盡了力，希望令大家不會覺得好嘔心，因為男扮女好容易有種抗拒感覺。」突然女人上身對教主而言是極大挑戰，亦令他體會到女人之若。

今次以輕鬆浮誇形式去演繹角色，現實中教主自稱性格沉實，並非搞笑能手。蘇皓兒在旁大讚他是「暖男」，她試過不滿自己表現，內心有淌血失落感時，卻獲教主細心問候：「100分你有幾多分唔開心呀？」非常關顧大家。首次孭飛做主角的教主背負重大壓力，他感激監製黃永峯及導演徐梓耀信任，找他做主角。深刻記得電影開工首日，是演唱會後不眠不休72小時再直踩開工，他笑說：「嗰日好迷迷糊糊，凌晨5點返到屋企，沖完涼出門口去拍戲，鏡頭後真係即時瞓得着，一埋位就醒番，諗起都幾攰，但已經盡力做。」教主有幸成為影壇新貴，他不敢奢望獲獎，謙稱在演戲方面只是初哥。今次電影處男作登場，他最想和兄弟Jer分享，還笑指：「我問他會不會買飛支持，他說不會，我好傷心，但我都會想邀請他來看。近半年知道Jer對演戲興趣好大，我們有共同演戲話題。」教主表示更大期望是MIRROR十二子能一同拍戲，和兄弟開工很有安全感。

蘇皓兒和陳紫萱與教主合作必定引起神徒熱議，二人曾憂慮fans反應，蘇皓兒說：「我同Lo會在一個細小空間對戲，只是普通朋友關係，fans應該不會呷醋。」教主即笑謂：「即刻同我斬欖，不會啦，大家知道演戲，見到咁專業演員，觀眾有專業眼光。」兩人均和fans一樣被迷倒，陳紫萱說：「見面第一日Anson Lo用一個鐘就可以趕上全日舞步，原來男仔識跳舞係好charm（魅力）。」而蘇皓兒認為教主既是偶像也是演員，戲裏戲外擁有不同魅力。