獨家│咖喱為追夢辭職醫生 認有男友唔怕流失Fans

2021-11-28 21:00
咖喱有個拍拖幾年嘅男友,感情穩定,但暫未談婚論嫁。
咖喱有個拍拖幾年嘅男友,感情穩定,但暫未談婚論嫁。

ViuTV《全民造星IV》2號黃雅慧(咖喱),現年27歲,因為覺得英文名Kelly讀音與「咖喱」相似,所以用咖喱這個花名來參賽。本身在公立醫院完成實習不久,被安排到屯門醫院做了約兩個月內科醫生,就看到《造星IV》這個追夢機會,於是毅然辭職。她透露當初想做醫生,是因為一次有家人入ICU,感到無能為力,而決心要讀醫幫人。至於參加《造星IV》,因她覺得時間不等人,如果將來升讀專科,怕再推遲追夢決定,變得更沒膽嘗試。


大方公開戀情

咖喱除得到同事和家人支持,男友亦十分支持她追夢,但她坦言男友亦有所顧慮:「佢擔心我冇接觸過呢個圈子,驚啲人如果係咁鬧我,我會唔會承受唔到,佢擔心我心靈會受傷,所以佢本身都唔係咁鍾意,但佢知我想做呢樣嘢,其實都好支持我。」

與從事IT行業的男友拍拖數年,雖感情穩定,但暫未談婚論嫁:「呢啲仲好長遠,要慢慢睇。」亦未怕公開戀情會流失粉絲:「我覺得男朋友屬於私生活,我都希望粉絲可以接受。如果接受唔到,始終我同男友有段長時間經營嘅關係,我冇理由話即刻同佢分手,冇可能!已經有個感情建立嘅時候,我都相信如果係粉絲都會諒解。」

咖喱有個拍拖幾年嘅男友,感情穩定,但暫未談婚論嫁。
咖喱有個拍拖幾年嘅男友,感情穩定,但暫未談婚論嫁。
咖喱本身係公立醫院內科醫生。
咖喱本身係公立醫院內科醫生。


樣殘因兩邊兼顧

咖喱參加比賽後,其實都有留意網上評論,對於有網民指她的樣子很殘,她解釋:「啲人成日話我第一round個樣好攰,因為當時雖然辭咗職,但都需要時間通知,當時好多日冇瞓覺,兩邊一齊平衡,所以我一早辭咗職,我覺得係個好選擇,因為對兩邊都唔好。」現在專注比賽,她笑言有足夠休息,樣子明顯精神得多,雖然比賽都有辛苦之處,但跟做醫生相比,確實輕鬆不少,更稱做過醫生令她在這比賽較優勝之處,就是比其他參賽者更捱得。

咖喱參加《造星IV》曾出手幫唔舒服嘅參賽者。
咖喱參加《造星IV》曾出手幫唔舒服嘅參賽者。
不過佢都有提啲參賽者,有病真係要睇醫生呀!
不過佢都有提啲參賽者,有病真係要睇醫生呀!


自知性格固執

咖喱於《造星IV》中初亮相,就因為見義勇為的性格,搞到製作組好難做。曾多次在其他參賽者崩潰爆喊時幫手擋鏡頭,有網民大讚她有想法是好事,但亦指她的性格可能不適合入娛樂圈,她則自認性格固執:「就算有冇鏡頭,唔理係咪朋友,可能因為我有自己一套,都有某方面嘅固執。我覺得人哋需要幫助就會去做,同時我都係一個普通人,我好難喺每個角度體恤晒所有人需要,所以我都有同製作組Say Sorry。」

「有嗰句,講嗰句」可能因咖喱是長女,受家庭教育影響,性格與胞妹剛好相反,小時候就非常敢言,自覺不是個怕事的人,喜歡與人溝通,但某程度上心智其實好細個,她形容自己為人好單純。見義勇為又決斷的性格,似乎真的很適合做醫生,而她也想好後路,如果在娛樂圈發展不順利,就會回去做醫生,自覺仍有幫人的使命感。

咖喱一參賽就被網民起底,搵到疑似係佢同男友嘅合照。
咖喱一參賽就被網民起底,搵到疑似係佢同男友嘅合照。
咖喱透露男友從事IT業,支持佢追夢,但都擔心女友被抨擊。
咖喱透露男友從事IT業,支持佢追夢,但都擔心女友被抨擊。
咖喱怕遲多幾年,唔敢再參賽,所以辭工追夢。
咖喱怕遲多幾年,唔敢再參賽,所以辭工追夢。
網民話咖喱首回合亮相個樣勁殘。
網民話咖喱首回合亮相個樣勁殘。
原來當時佢仲未正式離職,同時兼顧工作同比賽,個樣攰都好正常。
原來當時佢仲未正式離職,同時兼顧工作同比賽,個樣攰都好正常。
曾被製作組投訴多次阻礙拍攝。
曾被製作組投訴多次阻礙拍攝。
其實佢都係想幫人,認自己性格固執。
其實佢都係想幫人,認自己性格固執。
關鍵字

最新回應

關鍵字

相關新聞

熱門文章