Anson Lo處男電影反應佳親往謝票 為雙親匯報偶像譚耀文拍戲實況

MIRROR成員盧瀚霆（Anson Lo）的處男電影《假冒女團》今日正式上映，不過之前的優先場及預售反應十分熱烈，Anson Lo連同幾位女主角如蘇皓兒（Chloe）及李靜儀（Heidi）等到戲院謝票，Anson Lo坦言心情既驚又喜。

Anson Lo在戲中除了反串扮金髮索女，又要穿上校服及戴眼鏡扮學生，但卻完全沒有違和感，此外，Anson Lo更親自拍攝多場動作戲，他說：「今次係我首次拍電影，亦係人生首次拍武打場面，細個有學過跆拳道，但學完之後冇試過動拳腳打交，今次拍之前都上咗幾堂動作訓練，因為要排練走位，拳來拳往，對我嚟講真係好新鮮。」

戲中有份演出的譚耀文，更是Anson Lo爹哋媽咪的偶像：「當知道譚哥接咗呢部戲，我爹哋媽咪不知幾興奮，佢哋吩咐我記得同譚哥合照，返到屋企我仲要匯報譚哥一切嘅嘢畀佢哋知。」Anson Lo指譚耀文沒有架子，更不時指導自己，令他得益不少。此外，Anson Lo亦跟ERROR的郭嘉駿（193）在電影中合作，他表示：「有一種好sweet嘅感覺，193係出道以嚟已識，覺得有一個戰友陪住自己一樣。」