炎明熹化身木頭人 被姚焯菲Touch Wood齊齊保健康

《聲夢維港Party Together演唱會2022》將於明年元旦在中環海濱活動空間舉行，現場座位有16,000人。而一眾參與歌手菊梓喬（Hana）、谷婭溦、鄭俊弘（Fred），以及《聲夢傳奇》學員炎明熹（Gigi）、姚焯菲（Chantel）、冼靖峰等今日出席記者會。

TVB節目內容營運總經理曾志偉早前「開綠燈」揚言批准Gigi於元旦出席「2021年度叱咤樂壇流行榜頒獎典禮」，雖然當晚Gigi要參演演唱會，但她表示由公司安排，亦不覺辛苦。提到她早前身體不適而跌倒，Gigi表示現時身體康復不少，只是有少少流鼻水，狀況亦可以。身旁的Chantel笑言會睇住Gigi，所以會無事，更大讚對方好堅強。她說：「我好易病㗎！有時飲維他命C，都會叫Gigi姑丈畀佢飲。Touch Gigi先，I'm a tree！」Gigi聞言即化身成木頭人，讓Chantel接觸自己，十分搞笑。

此外，問到家人可會撲飛睇演唱會？Chantel笑言不知道爸爸，但自己沒錢買。Gigi則謂家人會到場觀看，但父母應該會睇直播。