獨家丨林海峰彭羚低調放狗當拍拖 結婚23年車愛犬去商場輕玩10分鐘

2021-11-28 23:00
林海峰負責拖狗,林太就跟喺身後。
林海峰負責拖狗,林太就跟喺身後。

54歲的林海峰(Jan)及52歲的彭羚(Cass)結婚23年,家有兩個女,分別係21歲的林泳及16歲的林清,同阿媽好似餅印的大女9月已回英國開學,細女都有自己世界,老夫老妻閒時做咩?放狗囉。兩公婆好錫貴婦狗Millie,一家之主會帶佢去跑步,近年玩Gyrokinesis和Gyrotonic運動玩到唔識老同肥嘅林太,喺佢IG都會經常見到Millie蹤影。日前傍晚6點,林氏夫婦特登揸車載Millie去淺水灣商場嘅狗樂園玩,輕玩10分鐘就返歸,低調放狗當拍拖,人同狗都鬆一鬆,幾好吖。採訪:張詠森

林海峰負責拖狗,林太就跟喺身後。
林海峰負責拖狗,林太就跟喺身後。
兩公婆結婚23年一直好少一齊現身公開活動。
兩公婆結婚23年一直好少一齊現身公開活動。

講起彭羚,00後應該唔太識佢,林太係90年代樂壇天后,有巨肺加一把靚聲,98年事業巔峰期下嫁才子名DJ林海峰,隨即封咪退隱,多年來絕跡幕前,全心做林太相夫教女,12年激罕出山為老友黃偉文作品展擔任兩場嘉賓,再上台大受歡迎,娛樂公司群起高價搶邀出山開騷,最終因為老公唔畀復出無望。

新興玩意玩到好Fit
唔唱歌都大把嘢做,話咁快兩個女林泳及林清都大個,大個女有自己世界,近年林太迷上新興的Gyrokinesis和Gyrotonic運動(又稱禪柔運動或脊椎螺旋運動),孫藝珍同欣宜都鍾意玩,因為可以增強肌肉同改善血液循環,難怪52歲仲咁Fit。

林海峰拖住Millie,但狗狗掛住行去聞啲街坊。
林海峰拖住Millie,但狗狗掛住行去聞啲街坊。
Millie喺林海峰嘅IG出鏡率都好高。
Millie喺林海峰嘅IG出鏡率都好高。

望住愛犬走嚟走去
當晚6點,林氏夫婦同Millie現身淺水灣商場,此行目的係帶狗狗去狗樂園玩,兩人放低狗狗後就坐埋一邊等,兩公婆唔多交談,但都無話各自撳電話,而係一齊望住愛犬玩,或者用電話同愛犬影相,Millie玩咗10分鐘就散場,同其他狗狗一齊行去主人身邊,林氏夫婦隨即帶Millie上車返歸。

彭羚上載喺淺水灣豪宅做運動嘅片都會見到Millie。
彭羚上載喺淺水灣豪宅做運動嘅片都會見到Millie。
林氏夫婦同狗友吹吓水。
林氏夫婦同狗友吹吓水。
上車前,Cass行埋一邊唔知做乜,林海峰等埋老婆先上車。
上車前,Cass行埋一邊唔知做乜,林海峰等埋老婆先上車。
Cass安頓狗狗上後座,自己先上車。
Cass安頓狗狗上後座,自己先上車。
專登車隻狗去玩10分鐘就返歸,兩公婆都幾得意。
專登車隻狗去玩10分鐘就返歸,兩公婆都幾得意。
林狗有時會帶埋Millie一齊跑步。
林狗有時會帶埋Millie一齊跑步。
運動可促進血液及淋巴循環系統、增加關節活動度及肌肉柔軟度,可改善肌肉關節痠痛。
運動可促進血液及淋巴循環系統、增加關節活動度及肌肉柔軟度,可改善肌肉關節痠痛。
幾年前,本報記者曾拍攝到林海峰帶兩個女行街。
幾年前,本報記者曾拍攝到林海峰帶兩個女行街。
關鍵字

最新回應

關鍵字

相關新聞

熱門文章