黎瑞恩拉埋邵美琪做善事 來自唔同範疇合作有難度

黎瑞恩昨日以大使身份聯同好友邵美琪（Maggie）現身第十屆「香港展能節」活動，跟傷健人士一齊製作曲奇，並為參賽者打氣，同時鼓勵港人多關注殘疾人士及復康人士的共融生活。曾患胰臟瘤嘅小恩子曾一度情緒低落：「愉快心情係康復嘅最佳良藥，定期唱歌令我心境保持開朗，亦令我明白搵到人生熱衷嘅事，見到參賽者喺比賽過程中展露笑臉，我相信佢哋搵到自己嘅快樂。」

小恩子經常會為朋友組織興趣班學整甜品，Maggie都係活動小組成員，兩人因為用同一位化妝師而結成老友，幾乎日日見面。Maggie最欣賞小恩子有善心，帶動埋她過來幫手做慈善。聖誕節即將來臨，她希望多參與慈善活動。問到兩人可會在工作上合作？小恩子笑說有難度，因為對方屬高級組演戲；Maggie就讚返小恩子係高級組唱家班，故合作睇機緣。