Coffee找老公囝囝做免費勞工影相 伯伯表情甫士豐富大勝爸爸

林芊妤（Coffee）自從成為瑜伽老師及KOL後，人氣急升，而她的可愛囝囝「伯伯」同樣大受網民歡迎。Coffee繼早前推出自家運動衫後，近日再推出便服系列，她找來老公及伯伯一家三口做生招牌，穿上服裝拍攝宣傳相，Coffee更把靚相貼在IG分享。

在其中一輯相中，伯伯動作及表情皆十分豐富，相反Coffee老公則貫徹一向的「木獨」，只是「齋企」全冇甫士可言，難怪Coffee留言笑說：「話說上星期無良阿媽加無良老婆，請咗兩位免費勞工幫佢自己嘅品牌免費拍宣傳照，本身就諗住post佢哋嘅獨照，再問吓大家邊個表現好啲，但係揀相嘅時候，發現呢一場根本係冇得比嘅比賽。」不過Coffee都只是搞笑留言，相信fans早已習慣她老公的木獨風格，反而有一種搞笑的感覺。