古巨基教囝囝數數字好興奮

　　(星島日報報道)古巨基的囝囝Kuson轉眼間已1歲8個月，基仔不時在社交網分享囝囝的生活點滴。近日他連出兩條片，拍低教囝囝數數字，Kuson好快已學懂由1數至10，令基仔相當興奮。第一條是基仔在車上抱囝囝，教他慢慢由1數到31，起初Kuson在1至20的發音都算跟得上，但21至30由於是3個發音，Kuson未能學到，更捽眼表示數到眼瞓，基仔感慨留言︰「你呢啲成長Moments真係我嘅無價寶。」就連好友容祖兒笑基仔「老竇啊使唔使數咁多個Number呀？」

　　第二條影片中，Kuson大躍進能順序數出1至10，開心得手舞足蹈，基仔和工人姐姐都興奮拍手讚好。