Coffee帶囝囝錄節目追到索氣　陳柏宇自爆14歲初戀僅拍拖三日

陳柏宇（Jason）、林芊妤（Coffee）帶同兒子翟德彥（伯伯）為節目《世界零食開倉戰》錄影，Coffee指今集講小朋友零食，所以帶囝囝到場，她笑稱因為有零食利誘，不過囝囝周圍走又爬櫈，令她累壞。Jason見到伯伯大讚表現好又合作，不像他女兒陳羿辰（Abigail）包拗頸，他又再讚伯伯會自己一個玩，而他女兒愛黐人玩，Coffee指囝囝習慣獨立。

問到會否介紹朋友仔給囝囝認識？Coffee本以為Jason會帶囡囡到場，又笑指伯伯已有很多「女朋友」，因身邊朋友多是生女。問到Jason囡囡有否「男朋友」？他說沒有，但有一、兩個男仔特別友好，他又大方稱囡囡長大後拍拖，自己也不會介意，他說：「我有我呷醋，佢有佢拍拖，都要接受。」他稱自己14、15歲時初戀，但只維持了三日，而他與Coffee同樣表示希望孩子將來拍拖，會告知父母。