AGA紅館處女騷波折重重 監製出面請七師傅解憂加持
2021-11-12 07:00 
江海迦（AGA）將於明年1月29及30日，在紅館舉行首個個人演唱會《AGA Gaia Live》，這個演唱會可謂波折重重，包括經歷過改期、AGA身體抱恙等，AGA的恩師、唱片監製舒文日前特意請來七仙羽（七師傅）為AGA指點迷津。
舒文提到AGA每次開騷都遇上壞天氣，七師傅神回應：「咁係關天文台事嘛，AGA要同天文台台長打好關係，如果台長係AGA男朋友就自然開騷唔會打風啦！」至於演唱會銷售成績，七師傅表示一定理想，她更即場用舒文身上的紅Tee去預測：「你件衫上面有『DEAD』，即係先死而後生，然後長出粗壯嘅樹幹，枝葉向四面八方咁生，啲人一定會攀山過海嚟睇！」舒文即說：「咁過山當然係大老山，過海就過維多利亞港，大家都要搭車嚟。」七師傅最後更用「師傅愛你」來幫AGA加持。
而AGA表示多謝七師傅加持：「希望今次開紅館唔會打風，承佢貴言，多謝佢嘅祝福！亦都要多謝舒文，因為知道佢平時唔睇風水，今次為咗我呢個演唱會去搵師傅，好感恩，希望到時請到七師傅嚟睇。」
關鍵字
最新回應