吳林峰新歌MV由獨立歌手任男主角 自己演出屬「過鏡」

吳林峰近日推出新歌《明天一切如常》，而他亦即將於本月16日舉行跟歌曲同名的演唱會，談到新歌概念：「首歌係想講行出舒適區嘅心態，同埋提醒自己要保持住擁有嗰份勇氣，繼續去探索更多。」

為配合新歌主題，MV亦是描述男主角如何突破自己的心理關口，憑著心態上的改變，迎來全新的自己，導演亦找來獨立歌手LEWSZ出任男主角，相反吳林峰只是在MV中「過鏡」，他解釋：「我本身演戲唔叻，為咗令MV嘅畫面有更多可能性，而唔係因為我係歌手而係咁出現我個樣，我寧願俾其他人演出，可以有更多發揮。」至於吳林峰「過鏡」的一幕是在街上彈鋼琴，但原來拍攝時十分狼狽，他回想：「我哋拍咗12個鐘，但全日都斷斷續續咁落雨，大家要即時搵地方避雨。」