鄭中基出新歌《我們》悼念奶媽　出動私伙古董相機做道具

2021-09-24 18:30

鄭中基（Ronald）近日推出新歌《我們》，而此歌MV是他繼2005年的《無賴》後，再次執導的作品。相隔16年，Ronald坦言很想念做導演的感覺，今次他更動用三部私伙古董相機作陳設道具，其中兩部原來是導演劉偉強早年送給Ronald：「其中一部係影相機，一個黑色盒子，用來曝光影相；另一部係超八攝影機，喺嗰個時代係好犀利。劉偉強問過我有冇用佢送嘅相機，今次我終於用咗，不過係用嚟俾人拍。」

而MV拍攝地點是有超過80年歷史的舊式影樓，老闆林國盛更被邀請擔任演員，Ronald更親身教老闆演戲。今次新歌MV，Ronald擔任導演的另一個原因是因歌曲內容是紀念他的奶媽，Ronald說：「我每次開演唱會奶媽都會嚟睇，2019年新年演唱會時，佢已年過百歲都有嚟。可惜今年我喺中環開嘅Drive In演唱會前佢過咗身，好突然，咁啱當時疫情嚴重，我哋唔可以去醫院探佢，佢係一個人孤獨喺醫院，睇唔到、聽唔到，好可憐。」因此Ronald除了想送此歌給她，還想提醒大家要珍惜眼前人。