許廷鏗爆曾嘉晴喊住講「唔好意思」 零容忍被誣衊或惡意誹謗

許廷鏗(Alfred)今日到電台宣傳，Alfred日前在IG直播時，被一位IG賬號叫「Angeltkc」的人留言，聲稱被Alfred搞大個肚，又力數對方人前人後兩個樣，要求公開兩人情侶關係，否則就要他公開道歉。其後該帳號發現是新演員曾嘉晴（Angel），但事後她澄清被假賬號騷擾。為此，Alfred說：「今次我真係恭喜你啦！我都身受其害，都試過被人冒認，個女仔ig頭像相唔係當事人，我知道當事人係啱啱喺娛樂圈打滾，唔希望呢啲冒認事件影響佢嘅事業。當事人聯絡過我，仲喊住同我講唔好意思，佢都唔知冒認人嘅身份，但呢種係惡意行為。如果誣衊或者構成誹謗行為就唔可以容忍。」

他又指當事人的相片原本沒打算公開，雖然這次事件對他來說可以一笑置之，但這種行為希望能夠理解到事件的嚴重性。問到可覺得自己得罪人？ Alfred笑言相信自己沒有得罪人這麼深，不過也不想將事件放大，令造謠者更亢奮。

對於自組公司後推出新歌《佛系人生》，Alfred表示由零開始到策劃、行台都是一腳踢，之前一晚更睡不著，因為擔心會有甩漏，又指會計劃推出一張實體碟，預計投資七位數，幸好獲得好多客戶支持，將來也會舉行音樂會，他又表示由細到大被人叫「AH佛」，又指佛系有好多種解讀，當中有人覺得緣份到自然會成功，但他反而認為要努力去做，結局則隨遇而安。