Edan感激黃偉文Always on my side：繼續陪伴我呢個可愛Pie

MIRROR成員呂爵安（Edan）昨日（6日）推出今年第三首個人單曲《My Apple Pie》，新歌MV在昨晚九時於YouTube上架首播，今次他請來「最美星二代」、龔慈恩女兒林愷鈴出任女主角，上架10多個小時，已經有接近50萬點擊，成績相當理想！

從Edan出道至今，一直合作無間的填詞人黃偉文（Wyman）今日在IG分享創作過程：「作為 Edan（音樂起跑綫）的『歌詞 chief designer』（哈哈！其實唔係，如果一個填詞人夠幸運可以連環寫同一位歌手的多於一首作品，我覺得就有必要同時照顧所謂的『大 picture』，亦即是他/她的某種『非視覺形象設計』），其實每首歌都至少比表面多一個 layer，第一首，介紹 E 先生出場並滲透少少性格獨特性，第二首，進一步鞏固他的人物設定，第三首⋯⋯本來還可以「食老本」多一陣，但我們覺得是時候了，應該打破一下前兩首的苦情（咁易比你估到我咪⋯⋯），即刻就整首歌迷會會歌兩用的sweet sweet 情歌(好吧，我承認我怕齋甜死甜，這首其實是故意寫成有點 after taste 的 bitter-sweet )，希望大家還喜歡這個有點aggressive 的 move。」

Wyman續說：「除了 E 先生我還想多謝 @edwardmusicproduction 和 @ahfa0908 ，這一首由揀旋律開始到後期的多次 fine tune ，大家都有商有量( 四條友特登開咗個group )，是創作上傾得最多的一首，真係 always on my side always by my side 㗎！#MyApplePie#蘋果批與雪糕關於陪伴的愛情故事#平時好少分享創作理念但今日說話比較多大家唔好介意」
Edan隨即亦回覆Ｗyman：「感謝Wyman Always on my side, Always by my side!希望你可以繼續陪伴我呢個可愛Pie!! (好唔知醜地自稱自己係可愛pie，希望唔會令你反胃)」其後Edan亦公開多謝林愷鈴的幫忙：「點解大家拍親我MV都咁辛苦？見有人稱呼MV女主角做E女郎#好中二病但好好笑！」