【星島獨家】為拍MV地獄式操肌 Anson Lo烈日下晒麒麟臂係咁跳

有「教主」之稱的盧瀚霆(Anson Lo)於7月推出《不可愛教主》，MV更衝破600萬點擊率，近月又要籌備新歌《Mega Hits》，更為拍攝新歌MV而進行地獄式操肌。

日前，Anson Lo現身西貢拍攝MV外景，烈日當空下着住白色背心加白色長褲，一身「白馬王子」Look，加埋一對經長時間鍛鍊出嚟的麒麟臂相當搶眼。當日下午團隊先在酒店小教堂拍攝，Roll 機前Anson Lo 把握時間跟Dancers排練，一埋位即係咁跳 ，之後轉到戶外，團隊更出動吊臂機協助拍攝，相當大陣象！

Anson Lo 之前在IG限時動態透露：「MV開會完畢，累，但一起合力confirm到整件事的製作，安心多了，辛苦大家 ～」教主親力親為參與製作過程亦不忘感激團隊。知情者透露：「今次MV拍攝好趕急，不過團隊都落力係最短時間做到最好，原本一日拍晒，但係想畫面上再豐富啲，多啲唔同嘅場口，所以決定分兩日拍攝。花姐同Anson Lo都畀咗好多意見，所以MV會有Story line ，有幾個嘉賓參與，仲搵咗個曾經合作嘅『重量級』女藝人幫手，對方仲多次自認係『鏡粉』添！ 」