Juicy叮｜港媽要求讓座予10歲女竟稱「成行都係為小朋友而設」

2021-09-28 15:23

誰人應該使用關愛座不時惹起爭議。有媽媽級網民指，日前乘搭港鐵上班時，因疲倦而坐在關愛座旁邊的普通座位，不料卻遭另一名媽媽要求讓座予其年約10歲的女兒，更指關愛座附近的座位同樣為小孩而設，令她大感無奈！

有港媽向社交媒體Facebook專頁「生仔要考牌系列」投稿，指在家照顧小孩非常疲憊，故日前乘搭港鐵上班時，坐在關愛座旁的普通座位稍作休息。其後有一家四口上車，分別是媽媽、說法語的爸爸、一名約10歲的小女孩，以及一名坐在BB車內的5歲男童。

樓主表示，該名媽媽一走進車廂便指罵她:「呢度係關愛座，唔該你起身畀我個女坐」，令她當場嚇呆，一名同樣坐在普通座位的女士睹狀即讓座予該兩母女。當樓主以為事件告一段落時，竟再聽到該名媽媽對其女兒說：「呢度成行都係priority seats（關愛座）嚟㗎，係for children（為小朋友而設），not for adults（不是為大人而設）」，令她禁不住反駁：「呢個真係唔係關愛座。再講，其實任何人有畀錢搭車嘅，都有權去坐每一個位置，唔係剩係畀你個咁大個嘅女女！」

樓主形容，該名媽媽聽後頓時口啞啞，其丈夫之後卻「代為出頭」，在樓主要下車時故意擋去路，令樓主感到十分氣憤，表示：「未見過啲咁野蠻嘅人，仲要係做人父母，咁教啲小朋友」。

帖文引起網民熱議，不少人都認為涉事媽媽的行為不應該，「如果出街一定要有位坐，應該叫佢帶定輪椅出街」、「其實小朋友係唔需要一定坐，特別小學以上（除非唔舒服或者行動不便）。我囡囡四歲一樣企位由藍田企到旺角，如果想有位都係果句：請搭的士」、「個女已10歲大阿媽仲理直氣壯要人讓座，個老豆仲要唔畀人落車，真心為呢對缺乏父母正確身教嘅小朋友感到悲哀」。

資料來源：「生仔要考牌系列」FB