天降異象？赤柱大街大量曱甴通街走嚇窒途人

2021-09-28 12:38

街邊不時會看到曱甴走過，但連群結隊出巡實屬罕見。赤柱大街日前出現「曱甴兵團」，需出動掃把及大量殺蟲水才足以消滅牠們，從網上片段更可見，該些曱甴數目多達數十隻，非常嚇人！

有網民在社交媒體Facebook群組「香港突發事故報料區」上載短片，指本月26日下午約4時，赤柱大街有大批曱甴突然爬出，有人拿出殺蟲水追住狂噴，亦有人嘗試以掃把追截。片中可見污水渠蓋旁邊「屍橫遍野」，估計約有50隻，連片主都不禁形容為「異象」。

片段引起不少網民討論，不少人覺得好恐怖，懷疑本港未來數日天氣是否有異常，導致曱甴通街跑，「應該係又打風」、「大地震前夕？」、「好快有天災」、「永遠動物嘅預知能力都俾人類非常之強」；不過亦有人「得啖笑」，笑指「咁就叫大量？求其掀起一個渠蓋都多過呢度…」、「啲坑渠蓋下面大把」。

另外有網民提醒應避免直接向污水渠噴殺蟲水，以免有爆炸風險，又有人指「（曱甴）出咗室外就噴番梘水啦，室外無得焗住啲殺蟲水，效力大減又唔環保，殺唔死就會增強佢哋啲免疫力㗎喇」。

資料來源：「香港突發事故報料區」FB