Juicy叮｜1歲女盪鞦韆食「波餅」男子遠處道歉 港媽批「肇事逃逸」

照顧小朋友為父母的責任。一名港媽於社交網投稿指，近日攜1歲的女兒到公園盪鞦韆時，被一個足球迎面撃中臉部，事後疑為一群小朋友的監護人於遠處道歉，遭港媽批評其處理方法不恰當，故向該名監護人詢問聯絡資料，並指「如果我阿囡今晚有咩事我搵返你」，事件引起網民的熱論。

該港媽於Facebook群組「生仔要考牌系列」投稿指，趁天氣稍涼，昨晚（26日）與丈夫攜1歲的女兒到公園玩耍。當時公園內不乏小朋友正嬉戲，港媽發現嬰兒鞦韆仍有空位，故二話不說立即帶女兒盪鞦韆，沒料此時遠處有一個足球飛至，迎面撃中女兒的臉部，港媽形容當時情況，「BB食正個『波餅』！係正面」！

事發後一名陌生的男子於遠處道歉指，「唔好意思，無心嘅」，與小朋友繼續玩耍。港媽懷疑男子為該群小朋友的監護人，批評其處理方法不恰當，「完全無走埋嚟睇吓有冇事，竟然就咁講完就走開咗，仲繼續同啲細路玩」。

其後港媽直接走到該名監護人面前，先詢問姓名，並要求他留下聯絡電話，「如果我阿囡今晚有咩事我搵返你」，對方回答後亦無奈表示，「我都真係無心啫，所以我都無咩嘢。」港媽聞言後勃然大怒，「幾十歲人喺公園同細路踢波，踢咗落個坐喺BB車度嘅BB，你就梗係無嘢啦，有嘢嘅係個BB嘛」，更批評當時該名監護人未有前來了解情況便直接離開，直斥「呢啲叫肇事逃逸呀」！

港媽發文欲公審涉事男子，卻遭網民批評，指照顧小孩為家長的責任，更質疑為何涉事的父母沒有注意附近的情況，「公共場所，只有父母要對自己BB安全負責任！」、「保護小朋友其實靠父母，如果見到附近有一班比較大嘅小朋友就唔應該行埋去，佢地踢緊波就更要遠離」、「如果附近有人踢波，做父母嘅無警戒心，就係你哋嘅責任，所以我覺得個男人嘅態度冇問題」。港媽亦拍攝了一張康文署告示牌，卻遭網民指「你無留意到個遊樂場為2至5歲而設，唔係1歲左右」。

有網民則認同港媽有權追究責任，「大家使用公共設施，難免有碰撞，但唔係一句無心就若無其事，連慰問都唔需要」，亦有人指公園為小朋友玩遊樂設施的地方，故不應有足球出現，「呢件事嘅重點係點解有個波喺公園飛來飛去」！

資料來源：生仔要考牌系列