郭嘉盈晒兄妹童年相 193叫「老婆sss」關照：Follow我妹

男子組合ERROR成員193（郭嘉駿）的妹妹郭嘉盈（Michelle），都想加入娛樂圈，早前放棄高薪厚職參加ViuTV節目《全民造星IV》的公開招募，身為哥哥的193當然全力支持，還叫花姐「造馬」給妹妹入圍99強。

Michelle的社交平台關注度亦急升，除上載自己的靚相外，亦有貼跟哥哥的童年照。兩兄妹年齡相隔5年，而Michelle上載的相片雖然未有標示年齡，但估計193當大約8歲，手長腳長，已經生得好大，拍照時已半跪地上遷就妹妹。不過，193影相時似乎不太喜歡笑，cool到爆；反而Michelle細細個已經好識擺甫士，借了哥哥的膊頭兼舉V字，寫道︰「我應該係覺得自己個pose好型」。193之後亦有轉載相片後，呼籲粉絲：「Follow我妹囉」，認真好錫妹妹。