張立基扮Anson Lo拍廣告 最怕激嬲教主粉絲

簡慕華及徐㴓喬（Asha）因為《大叔的愛》而工作日量激增，日前兩人為本地點播平台拍廣告，拍攝當日並穿着與《大叔》相近的戲服、於劇中經常取景的酒吧開工，而廣告尚有一名神秘嘉賓擔任男主角，這個人便是久違了的張立基，故事內容講述簡慕華和Asha在酒吧聊天時，偶遇披上灰褸的張立基，Asha覺得他很似一位朋友，緊接張立基就跳了幾下《IGNITED》及《ElectricGirl》的舞步，最後更出現一個類似《大叔》彩蛋的男友視覺鏡頭。

簡慕華第一次跟張立基合作，當日她開工乍見對方，也覺得對方某些角度似Anson Lo（盧瀚霆），她跟張立基笑說：「你exactly係Anson啦。」更指張cutie，Asha則稱好想睇張跳舞，但張立基指MIRROR跳舞比他好，因為他們很年輕，簡慕華又打趣說：「我想有機會睇battle。」張立基即回應：「battle我會好辛苦，但如果有機會，都想同佢哋合作。」

今次其廣告造型酷似Anson Lo，又要跳MIRROR舞，張立基稱之前已有記者指他跟Anson Lo有點相似，「接呢個廣告要扮Anson Lo，希望Anson Lo嘅fans唔好介意，純粹做gimmick性嘅嘢。我有上YouTube睇MIRROR同Anson Lo嘅舞，Anson跳得好好，以我專業人去睇，佢跳舞好成熟，希望佢更努力，希望MIRROR帶到新潮流俾香港，因為最近香港樂壇比較靜，青黃不接，MIRROR可以突圍而出，希望佢哋珍惜機會，為香港樂壇唱跳方面更進一步。」